Asiri

營業中

休息中

最近番工間中會經過呢間餐廳，見到個裝修感覺幾日式同溫馨，平時又多人食，就決定黎試下。餐廳老板係日本人，感覺食物都會非常正宗!我同朋友就分別叫左個北海道豬肉咖喱飯同羊肉定食，仲叫多左個炸雞做小食。炸雞新鮮炸起，食落熱辣辣，外脆內嫩，非常唔錯。羊肉定食仲包埋麵豉湯同溫泉蛋，感覺相當豐富。羊肉炒得非常之香，送飯一流。北海道湯咖哩係我呢餐飯入面最欣賞嘅一度菜，北海道咖哩同平時食開嘅咖哩唔同，質感較稀，似湯多啲。而味道方面亦同平時食開嘅日式咖哩唔一樣，北海道咖哩有明顯嘅孜然味，非常岩送飯。咖哩嘅材料非常豐富，除左有豬肉外，仲有翠玉瓜、茄子等，感覺非常健康。飯後老板仲送左兩粒北海道限定嘅朱古力比我地食，今餐飯真係食得好開心。