影片
更多
2018-03-29
274 瀏覽
黎厚福街除左H8有好多野食之外, 藍馬商業大廈都係一個唔錯既選擇! 今日黎到先知原來呢度已經有好多大廈轉變成為食肆大廈. 鮨一除左18樓之外原來宜家開放埋20樓, 咁就方便D唔似以前咁咁難book位喇! 今日係星期4晚上, 不過8:20到上到黎竟然係full晒~ 本身book左8:30打算早少少黎, 點知都要等一等先可以安排到入座, 出名程度真係唔可以睇少!黎得呢度主打當然係食千層海膽飯, order左一個細size~ size真係有點少,.... 唔叫大size係想試多d唔同既野食, 不過細size都唔影響佢既外觀, 海膽真係放左好多層, 我諗應該有一板海膽. 其實細細個都有小食既好處, 因為飯唔算多, 如果多d人黎食當然叫個大size la, 不過因為得2個人關係所以order 個細size就算, 可以過下口癮之餘大家最重要都係食d海膽~ 海膽都幾新鮮的! 不過香濃既海膽單食難免有d膩口, 可以加上職員準備既紫菜一齊食減低膩口感覺辣酒煮蜆D蜆都幾大隻同好有肉地, 因為湯品帶有微辣, 食落D蜆肉除左鮮甜之外仲帶點辣, 湯品有別於一般既味噌湯底, 佢似係用上白味噌再加上多款辣味配料製成
黎得呢度主打當然係食千層海膽飯, order左一個細size~ size真係有點少,.... 唔叫大size係想試多d唔同既野食, 不過細size都唔影響佢既外觀, 海膽真係放左好多層, 我諗應該有一板海膽. 其實細細個都有小食既好處, 因為飯唔算多, 如果多d人黎食當然叫個大size la, 不過因為得2個人關係所以order 個細size就算, 可以過下口癮之餘大家最重要都係食d海膽~ 海膽都幾新鮮的! 不過香濃既海膽單食難免有d膩口, 可以加上職員準備既紫菜一齊食減低膩口感覺
辣酒煮蜆D蜆都幾大隻同好有肉地, 因為湯品帶有微辣, 食落D蜆肉除左鮮甜之外仲帶點辣, 湯品有別於一般既味噌湯底, 佢似係用上白味噌再加上多款辣味配料製成, 湯底入口微辣, 加上蜆好新鮮. 所以飲落好有鮮味! 呢個湯真係做得唔錯, 入面仲有好多蘿蔔TIM~~~ 好惹味
天婦羅都好有誠意bo! 炸粉薄薄的唔會整得十分厚, 脆卜卜, 而且炸蝦天婦羅係好彈牙嫁! 平時覺得食天婦羅d食材好唔新鮮, 不過呢度唔會啊! 另外仲有蕃薯, 青椒, 茄子等, 沾上天婦羅既醬汁減少個油膩感, 整體都唔錯!
甲羅燒係女朋友最愛食既野, 本身對蟹唔算太好, 食左一片充滿蟹膏既多士, 味道都幾香濃, 因為蛋左雞蛋關係口感唔會太杰身, 女朋友好中意食呢個, 見到佢食得咁開心我都好滿足了
薄切真名鏗, 呢個刺身真係冇得輸! 好味! 好味! 堅好味! 真名鏗唔係好爽口既質感, 但配上秘製汁醬又幾夾bo! 呢個十分推介既野食之一!
最後好似有d唔夠喉, 叫多左份一夜干, 新鮮既魷魚將其做成半烤再切成條狀, 不嬲都好中意食魷魚, 彈牙口感真係好正! 爽YY啊價錢方面都OK, 食左咁多野埋單都係$8xx, 合符我所想! 而且野食方面水準都幾高! 如果叫埋朋友多d人黎食既可以叫到更多款就更加好了
張貼
