影片
更多
2019-02-26
41 瀏覽
今日有朋自遠方來，上次帶咗佢食海鮮，似乎意猶未盡。今次佢未嚟已經話想請返我食海鮮，今次就試吓燒海鮮～餐廳室內設計有一番心思，木製嘅支柱橫樑、粗麻繩同稻草織成嘅燈飾掛飾、隨處可見嘅日本清酒酒樽酒桶、中間四個玻璃藍色魚缸，感覺好似去咗日本海邊海鮮店咁。【芒果乳酸】同【巨峰乳酸】都幾大杯，清涼解渴之餘又開胃。巨峰乳酸甜度啱啱好，芒果乳酸就稍為淡咗啲，芒果味唔突出。前菜叫咗【煙肉菠菜沙律】，新鮮沙律菜配酸酸哋嘅沙律汁，仲有新鮮多汁蕃茄仔、脆卜卜嘅煙肉粒提味。真係愈食愈想食。【特上壽司盛】總共十一款壽司。左口魚同金目鯛都經過火炙，左口魚就魚油豐富、金目鯛魚味濃郁，配合火炙後微焦味道，鮮味中帶香口。牡丹蝦壽司連埋成隻蝦頭攞碟，爽口得嚟帶點膠質，口感不錯。三文魚一睇就知油脂超豐富，油香久久不散，正。不過我最鍾意都係海膽壽司，份量多又厚，極鮮甜絕冇異味，肯定係靚海膽嚟。【蟹味噌甲羅燒】甲羅燒絕對係「賣飛佛」，食浜燒必叫。店員先將蟹膏、蟹籽、香蔥、鵪鶉蛋喺蟹蓋裡面撈起，然後放上爐燒。燒出嚟聞到濃烈蟹膏味，啖啖軟滑蟹膏，大滿足！【活貝盛合】四大活貝，每種都大大粒，隻鮑魚仲郁緊㗎，新鮮到一個點。店員會連殻燒
餐廳室內設計有一番心思，木製嘅支柱橫樑、粗麻繩同稻草織成嘅燈飾掛飾、隨處可見嘅日本清酒酒樽酒桶、中間四個玻璃藍色魚缸，感覺好似去咗日本海邊海鮮店咁。
【芒果乳酸】同【巨峰乳酸】都幾大杯，清涼解渴之餘又開胃。巨峰乳酸甜度啱啱好，芒果乳酸就稍為淡咗啲，芒果味唔突出。
前菜叫咗【煙肉菠菜沙律】，新鮮沙律菜配酸酸哋嘅沙律汁，仲有新鮮多汁蕃茄仔、脆卜卜嘅煙肉粒提味。真係愈食愈想食。
【特上壽司盛】總共十一款壽司。左口魚同金目鯛都經過火炙，左口魚就魚油豐富、金目鯛魚味濃郁，配合火炙後微焦味道，鮮味中帶香口。牡丹蝦壽司連埋成隻蝦頭攞碟，爽口得嚟帶點膠質，口感不錯。
三文魚一睇就知油脂超豐富，油香久久不散，正。不過我最鍾意都係海膽壽司，份量多又厚，極鮮甜絕冇異味，肯定係靚海膽嚟。
【蟹味噌甲羅燒】
甲羅燒絕對係「賣飛佛」，食浜燒必叫。店員先將蟹膏、蟹籽、香蔥、鵪鶉蛋喺蟹蓋裡面撈起，然後放上爐燒。燒出嚟聞到濃烈蟹膏味，啖啖軟滑蟹膏，大滿足！
【活貝盛合】四大活貝，每種都大大粒，隻鮑魚仲郁緊㗎，新鮮到一個點。店員會連殻燒兼剪好分埋，我哋只負責食。
鮑魚殻燒，燒到好香，邊微焦所以帶輕微苦味，更能突出鮮味，口感爽彈；
帆立貝勁大粒，肉鮮甜，仲有啲海鮮湯喺底，要飲埋佢。
牡蠣殻燒，燒完仲係水潤緊緻，蠔味十足；
蛤蜊就晶瑩冇沙。
朋友覺得非常滿意，靚海鮮靚食材，全晚有店員服侍燒海鮮，我哋就齋食齋吹水，渡過一個歡樂今宵。
張貼
