影片
更多
2012-07-05
36 瀏覽
慶祝老公生日，揀左呢間從未幫襯過但食評好好的柏景。由8點食到11點，我地呢3個鐘入面，真係瘋狂勁食！餐廳以白色裝飾為主，感覺乾淨寛趟，唔錯～自助餐第一必食係冷盤，柏景的日式刺身有3款，質素唔錯，但你問係咪好鮮甜好味，咁又唔算。火腿都係一樣，正路貨色，幾好但不太特別～平日食開D自助餐，好少會食壽司，一來D飯會飽肚，二來係D壽司根本唔好食！但係柏景D火炙三文魚、三文魚卷等壽司都整得好食，而且有鮮甜味，似迴轉壽店的質素！都幾驚喜呢～海鮮類好多，大頭蝦肉質較“梅”，青口唔錯而且夠大隻，但未至於好鮮甜。長腳蟹同螺肉就最正了！螺肉超大隻，而長腳蟹勁鮮甜，海水味十足，讚！瀨尿蝦唔係我杯茶，只係試過就算～不過都OK的～熱盤款式真係好多，連點心都有，而且仲係好食添！試勻一次都已經會飽囉！賽磅蟹配左蟹籽，口感豐富而且又滑又香，一定要試！泰式菠蘿炒飯酸酸甜甜好香口，醒胃又好食，正～牛舌係極之好味，我係咁encore！連菜都整得爽脆好食，估佢唔到～泰式青口同琵琶豆腐就普通啦...蒜香雞本來唔錯，但焗住在蓋下面，搞到D皮唔係好脆，可惜～又有牛舌啦！真係好好味，大家一定要試～羊架、牛仔骨都好稔滑又入味，絕對係超級
餐廳以白色裝飾為主，感覺乾淨寛趟，唔錯～
自助餐第一必食係冷盤，柏景的日式刺身有3款，質素唔錯，但你問係咪好鮮甜好味，咁又唔算。火腿都係一樣，正路貨色，幾好但不太特別～
平日食開D自助餐，好少會食壽司，一來D飯會飽肚，二來係D壽司根本唔好食！但係柏景D火炙三文魚、三文魚卷等壽司都整得好食，而且有鮮甜味，似迴轉壽店的質素！都幾驚喜呢～
海鮮類好多，大頭蝦肉質較“梅”，青口唔錯而且夠大隻，但未至於好鮮甜。長腳蟹同螺肉就最正了！螺肉超大隻，而長腳蟹勁鮮甜，海水味十足，讚！瀨尿蝦唔係我杯茶，只係試過就算～不過都OK的～
熱盤款式真係好多，連點心都有，而且仲係好食添！試勻一次都已經會飽囉！賽磅蟹配左蟹籽，口感豐富而且又滑又香，一定要試！
泰式菠蘿炒飯酸酸甜甜好香口，醒胃又好食，正～
牛舌係極之好味，我係咁encore！
連菜都整得爽脆好食，估佢唔到～
泰式青口同琵琶豆腐就普通啦...蒜香雞本來唔錯，但焗住在蓋下面，搞到D皮唔係好脆，可惜～
又有牛舌啦！真係好好味，大家一定要試～羊架、牛仔骨都好稔滑又入味，絕對係超級好食！
司華力腸同埋雞軟骨串燒就普通D～右上角那兩件等陣再介紹...
羊肩好好食！茄醬芝士焗茄子就不過不失...燒西冷就唔掂了！全晚最難食係佢！切開見到熟到透，又老又“鞋”，個燒汁又唔夠香，結果我地最終都要放棄...
唔想浪費食物，但真係超難食囉...
呢個正！鵝肝漢堡扒！貴野，鵝肝軟滑又好味，唔食就蝕底啦！所以我地拎完又拎、食完又食，哈哈...背後有幾塊天婦羅，其實都幾好味，但衰在炸起一段時間，凍左，所以差DD～
呢度連湯品都有正野，螺頭瘦肉湯勁足料，仲有螺肉食到，好好飲～
甜品款式多，多到我都記唔到邊款打邊款了！總之樣樣都好食啦～
我最鍾情左下角那個類似拿破崙的一口甜品，好好味～仲有佢後面那個菠蘿蛋糕，清新中帶少許酸味，好醒神，食到飽飽最岩食呢款～
老公鍾意玩朱古力噴泉，成個大細路咁！其實仲有D相無post出黎，總之就係超多款式，大部分都好好食！
仲有Haagen-Dazs雲呢拿雪糕添！食埋雪糕先至覺得圓滿～！
其實望返D相，好多食物都只係試左少少，後來想再食，但係已經食唔落！！真係可惜！
雖然有D貴，但係質素似乎真係唔錯，如果有重要節日，我都會考慮再黎食多次！
張貼
