影片
更多
2021-10-21
36 瀏覽
秋風起，又係約返三五知己食飯嘅好時機今日出到嚟銅鑼灣，去咗我最鍾意嘅橋底辣蟹。呢一間野雖然話最出名就係食蟹，但今日我有啲濕疹，唔係咁方便。所以我個朋友點咗其他撚手小菜：沙律蝦炒西蘭花、瑤柱蛋白炒飯、水煮魚、蠔餅同埋手撕雞，款款都係惹味小菜，令人食指大動！我最欣賞就係沙律蝦炒西蘭花，因為沙律蝦爽口彈牙、鮮味十足、令人一隻一隻咁放入口！佢嘅水煮魚都毫不遜色，一隻隻辣椒鋪喺面頭，配合埋八角、花椒等等真材實料嘅香料，非常之惹味，魚片亦都非常之爽滑無骨，值得一讚！蠔餅一啲都唔吝嗇，裏面有勁多鮮味十足嘅蠔仔，真係大滿足呀！不過要提返大家，以前我幫襯開嘅灣仔店都暫時休業，大家如果要食蟹或者係其他小菜就記得去返銅鑼灣駱克道金禧大廈嘅分店啦。
今日出到嚟銅鑼灣，去咗我最鍾意嘅橋底辣蟹。
呢一間野雖然話最出名就係食蟹，但今日我有啲濕疹，唔係咁方便。
所以我個朋友點咗其他撚手小菜：沙律蝦炒西蘭花
、瑤柱蛋白炒飯
、水煮魚
、蠔餅同埋手撕雞
，款款都係惹味小菜，令人食指大動！我最欣賞就係沙律蝦炒西蘭花，因為沙律蝦爽口彈牙、鮮味十足、令人一隻一隻咁放入口！佢嘅水煮魚都毫不遜色，一隻隻辣椒鋪喺面頭，配合埋八角、花椒等等真材實料嘅香料，非常之惹味，魚片亦都非常之爽滑無骨，值得一讚！
蠔餅一啲都唔吝嗇，裏面有勁多鮮味十足嘅蠔仔，真係大滿足呀！
不過要提返大家，以前我幫襯開嘅灣仔店都暫時休業，大家如果要食蟹或者係其他小菜就記得去返銅鑼灣駱克道金禧大廈嘅分店啦。
張貼
