影片
更多
2022-11-18
40 瀏覽
好耐冇去過誠品睇書，今日放假得閒去咗誠品打書釘，仲買咗幾本書，誠品真係一個Hea嘅好地方。喺誠品行完一輪就睇吓附近有咩餐廳，喺OpenRice上面見到呢一間新加坡菜好似幾特別，於是就去試吓啦。Atas呢間餐廳距離希慎唔算遠，大概行兩三分鐘就到，喺麻糬好出名嗰間麵包店上面。餐廳門口幾特別，地面係樓梯，上到去就見到餐廳店面，呢度係比較自助形式嘅餐廳，自己搵位，食完自己清理～餐牌上嘅圖片影得幾吸引，我哋揀咗喇沙粗米粉，另外揀咗香辣板面，見佢呢一度好似好推薦一啲美祿產品，於是我就叫咗個有好多美祿粉喺上面嘅咖椰爆漿。嘢飲方面我叫咗個玫瑰露恐龍，其實個名我都唔清楚係咩嚟，純粹覺得幾得意就試下。嚟到嘅食物非常大碗，我呢一個香辣板面份量超級多，呢個碗本身已經唔細，佢嘅面嘅份量係超出呢個碗，我覺得兩個人食都OK。你見到佢都好足了，上面嘅辣椒鋪滿成個面，非常適合喜愛重口味既人。喇沙湯麵嘅味道偏辣，對我嚟講太辣，不過朋友係好食得辣嘅人，佢就食得到。本來唔太清楚粗米粉即係點，原來係米線之類嘅哈哈。碗麵同樣地好大碗，我覺得三個人嚟食，兩個主食絕對夠。之後就係甜品，呢個甜品又係好重口味！佢要一共有6分，三層，啲包
Atas呢間餐廳距離希慎唔算遠，大概行兩三分鐘就到，喺麻糬好出名嗰間麵包店上面。
餐廳門口幾特別，地面係樓梯，上到去就見到餐廳店面，呢度係比較自助形式嘅餐廳，自己搵位，食完自己清理～
餐牌上嘅圖片影得幾吸引，我哋揀咗喇沙粗米粉，另外揀咗香辣板面，見佢呢一度好似好推薦一啲美祿產品，於是我就叫咗個有好多美祿粉喺上面嘅咖椰爆漿。嘢飲方面我叫咗個玫瑰露恐龍，其實個名我都唔清楚係咩嚟，純粹覺得幾得意就試下。
嚟到嘅食物非常大碗，我呢一個香辣板面份量超級多，呢個碗本身已經唔細，佢嘅面嘅份量係超出呢個碗，我覺得兩個人食都OK。你見到佢都好足了，上面嘅辣椒鋪滿成個面，非常適合喜愛重口味既人。
喇沙湯麵嘅味道偏辣，對我嚟講太辣，不過朋友係好食得辣嘅人，佢就食得到。本來唔太清楚粗米粉即係點，原來係米線之類嘅哈哈。碗麵同樣地好大碗，我覺得三個人嚟食，兩個主食絕對夠。
之後就係甜品，呢個甜品又係好重口味！佢要一共有6分，三層，啲包看得幾脆口，每一層入邊都有好多花生醬同埋牛油，極度邪惡！食完返去都要做返幾次帶氧運動啊哈哈。
玫瑰露恐龍幾特別，原來係上面好多美祿粉，下面係玫瑰露，口味比較甜，係幾特別嘅嘢飲。
張貼
