鮨一 (厚福街)

營業中

休息中

星期日嘅中午，訂咗兩位喺尖沙咀嘅商廈，上樓食日本菜。地點好易搵，就喺厚福街樓上～～呢間餐廳有兩層，一層喺20樓，另一層喺18樓，我哋今日就喺20樓用餐～～坐喺吧枱位，可以望住日本料理師傅整嘢食～仲可以同師傅交流下飲食心得～～日本真蠔（令和之怪物），有成隻手掌咁大呀，好肥美😍😍😍問咗師傅點解呢一個生蠔叫做「令和之怪物」，原來係因為今年日本嘅年號係令和，而呢款生蠔嘅品種就係叫「怪物」。成隻手咁大嘅生蠔🖐🏻宮崎縣超甜粟米，生嘅粟米平時真係好少有機會食，原來係超甜超多汁架！簿切密甘鯛，呢款鯛魚嘅肉質好爽口，配埋酸酸甜甜嘅醬汁好開胃，呢個鯛魚刺身真係會食到停唔到口嘅，十分推介！鏗魚沙律，大大個蕃茄，仲有好多沙律菜，食落好清新，鏗魚都好有口感～辣味噌和牛腹，其實味道唔太辣，好容易入口，和牛腹嘅質感好似牛腩咁，配埋蘿白就好似食緊港式嘅蘿蔔牛腩～～跟住就試吓啲燒物啦，第一款係A5 和牛串，冇乜太大驚喜。第二款係雞軟骨串燒，不過不失～最後一款係鹽燒三文魚腩，魚油味好香。整體黎講，鮨一比較出色於刺身冷盤類別，個人認為燒物屬合格水平。今餐食左大約$1200，每人$600。