影片
更多
2019-10-03
1861 瀏覽
The Market 嘅榴槤主題自助餐聽就聽得多，但就一直都未試過！今次終於Book到位去試！正！未入到去都已經聞到一陣陣獨特嘅榴槤香氣（怕榴槤嘅人奉勸你都係唔好去）雖然話係榴槤主題，但其實都有好多非榴槤食品，老實講榴槤主食只得3款：榴槤麥皮蝦、榴槤白汁魚手指、芝士榴槤炒排骨！而且榴槤味好淡，得麥皮蝦嘅味道叫做好食啲，其餘兩款都好一般，無乜特別！海鮮類：無乜驚喜，都係波龍、青口、蝦、小龍蝦、蟹腳，但個人覺得質素一般。主食方面，煎鵝肝、黑松露蟹肉多士配魚子醬、乳鴿，叫做比較高質同特別啲。即煎扒類：牛扒同羊扒都煎到好濃，牛扒整到好細件，基本上整到全熟。羊扒好少少嘅，但個面都係黑晒！另外仲有啲沙律、火腿、芝士、咖哩、蒸魚、水果，燉湯就只得1款椰子燉雞。講返重點！榴槤甜品！榴槤甜品大概有10款，佔整體甜品嘅一半！問咗職員，原來全部都係用D24嚟整！最好食同足料嘅，其實係擺埋一邊嘅榴槤蓉！每次都拎一大堆再另外加落啲甜品到！另一款必食嘅係榴槤斑蘭卷！中間係滿滿嘅榴槤蓉！外層蛋糕亦夠軟滑同有淡淡斑蘭香！另外仲有：榴槤咖央三文治、榴槤牛奶撻、榴槤菠蘿包、自家製榴槤雪糕、榴槤芝士撻 、 炸榴槤卷、炸榴槤
The Market 嘅榴槤主題自助餐聽就聽得多，但就一直都未試過！今次終於Book到位去試！正！未入到去都已經聞到一陣陣獨特嘅榴槤香氣（怕榴槤嘅人奉勸你都係唔好去）
雖然話係榴槤主題，但其實都有好多非榴槤食品，老實講榴槤主食只得3款：榴槤麥皮蝦、榴槤白汁魚手指、芝士榴槤炒排骨！而且榴槤味好淡，得麥皮蝦嘅味道叫做好食啲，其餘兩款都好一般，無乜特別！
海鮮類：無乜驚喜，都係波龍、青口、蝦、小龍蝦、蟹腳，但個人覺得質素一般。
主食方面，煎鵝肝、黑松露蟹肉多士配魚子醬、乳鴿，叫做比較高質同特別啲。即煎扒類：牛扒同羊扒都煎到好濃，牛扒整到好細件，基本上整到全熟。羊扒好少少嘅，但個面都係黑晒！
另外仲有啲沙律、火腿、芝士、咖哩、蒸魚、水果，燉湯就只得1款椰子燉雞。
講返重點！榴槤甜品！榴槤甜品大概有10款，佔整體甜品嘅一半！問咗職員，原來全部都係用D24嚟整！最好食同足料嘅，其實係擺埋一邊嘅榴槤蓉！每次都拎一大堆再另外加落啲甜品到！另一款必食嘅係榴槤斑蘭卷！中間係滿滿嘅榴槤蓉！外層蛋糕亦夠軟滑同有淡淡斑蘭香！
另外仲有：榴槤咖央三文治、榴槤牛奶撻、榴槤菠蘿包、自家製榴槤雪糕、榴槤芝士撻 、 炸榴槤卷、炸榴槤波波 、榴槤奶凍、榴槤糯米糍整體嚟講味道都算唔錯，
榴槤雪糕都幾足料，但都幾膩下，食一球已經夠。
榴槤菠蘿包如果可以暖暖地食，個皮再脆啲會更好。
比較遜色嘅係炸榴槤卷，炸得比較油，咬落唔夠鬆脆，而且入面榴槤餡唔多！
至於非榴槤甜品呢⋯唔知係我嗰日好多都以茶為主嘅問題定點⋯鐵觀音大菜糕有少少奇怪⋯茉莉茶朱古力蛋糕我會用伏伏地去形容⋯奶凍同三重朱古力蛋糕味道ok，荔枝啫喱同草莓欖油卷都麻麻⋯所以都係主力留肚食返榴槤甜品比較好！
.
總結：
因為我係星期五食，比閒日貴之餘，又無得用85折優惠，1位連加一要成$800。雖然榴槤甜品整得好，但其他食物嘅款式同味道都一般般，總捨嚟講有啲失望。
但如果以閒日+85折優惠嚟計，都算試得過。
.
榴槤主題自助餐
供應日期：
2019年9月14日 - 2019年10月13日
.
價格：
晚餐 ( 星期一 至四 ) :
成人 每位 $678 ; 小童 每位 $498
晚餐 ( 星期五 至日 及 公眾 假期 ) :
成人 每位 $728 ; 小童 每位 $538
.
The Market (尖沙咀)
尖沙咀科學館道17號唯港薈2樓
張貼
