The Market

一直都聽人講左好耐，THE MARKET係全香港數一數二嘅自助餐，一定一定要試！仲聽過淨係等位要三個月之前預訂，唔知好彩定唔好彩，我就等左兩個月。呢啲咁正嘅野緊係要同爸爸媽媽一齊試啦！我哋食嘅係午餐自助餐，提早十五分鐘去到已經見到有一條小人龍出現。一夠鐘服務員就逐個逐個PARTY咁帶入去坐低，一坐低就好詳細咁同我地講用餐時候同有咩好推薦。我同爸爸都係榴槤愛好者，一開始就即刻去拎榴槤甜品啦！果然無令我哋失望，尤其是要講下個榴槤布丁，入面好多榴槤肉呀！！！！仲有個好有水準嘅榴槤雪糕，有果肉仲有啲好似沙冰咁嘅感覺！！以媽媽就唔係太好榴槤，一如以往用水果黎開始，呢個時候服務員就送上三杯香檳，原來呢到嘅香檳係任飲架！啱哂一眾酒鬼！食物嘅選擇都算多，我哋三個人都試唔哂全部野，不過女人對於甜品係無抵抗力嘅！我同媽媽都試晒所有甜品，其中CREAMBRULEE係經常無哂嘅，如果要試嘅就最好係出面等下，有時甜品師會即刻係大家面前燒架！呢到最好嘅野就係樣樣都好細小，每樣試哂都毫無內疚感，最啱啲眼闊肚窄嘅女仔啦！