狸小路北海道涮涮鍋、壽喜燒、和牛專門店

營業中

休息中

餐廳充滿濃厚嘅日式氣息，裝修簡約雅緻，店員會細心講解每款套餐嘅食法，服務一流呀！餐廳賣點係專用北海道十勝產嘅黑毛和牛，非常好味！北海道海膽高湯涮涮鍋（配 霜降 A4+ 和牛）湯底好濃郁，用料實在，每一啖都可以感受到啲海膽嘅香氣。喺日本食海膽涮涮鍋都要過萬円，但呢度只係 HK$300 左右，值得支持！ 霜降 A4+ 和牛，係即時係我地面前用機器切，肉片切得非常薄，油花分布均勻，煮熟之後肉質非常嫩滑，入口脂香四溢，簡直係一種享受！壽喜燒（配 頂級西冷 A5 和牛）壽喜燒一向係日式料理嘅經典，而呢度更加令我感受到傳統壽喜燒嘅魅力！餐廳仲貼心準備咗簡單易明嘅烹調教學，等我地可以自己郁手整。頂級西冷 A5 和牛，油花多到好似大理石紋咁靚，肉質超級軟滑，配埋北海道新鮮嘅生雞蛋，將煮好嘅和牛浸入蛋液，瞬間多咗一層滑溜嘅口感，令味道更加出色。赤身和牛呢款牛肉嘅油花相對較少，而牛味更加濃郁，口感有嚼勁。豚五花脂肪分布均勻，煮熟之後脂香同肉香完美結合。