極尚大瀛喜日本料理

營業中

休息中

好耐冇食到放題啦，覺得食放題係要一大班friend先夠好食嘅，今日終於約齊人，一行八人齊齊開餐。話明極尚，緊係極多選擇啦，就嚟乜都有得食啦，刺身，壽司，煲湯，糖水，蛋達都有，好多元化。刺身都好新鮮，個人推介帶子，甜蝦，因為好鮮甜，吾錯吾錯，三文魚同樣新鮮，喜歡佢厚切又大大塊。海膽手卷係我必食之一，佢嘅海膽少有咁新鮮，一舊舊原整，好鮮甜，creamy好正，我食左兩舊。燒雞翼我至細中意食，佢嘅雞翼吾錯，特別要讚下芝麻雞翼，外脆內嫩，內面好香滑嘅雞翼，仲保留左肉汁，好味丫。雪糕雪條選擇多，竟然有我平時喜歡嘅mega 薄荷朱古力雪條，好食丫。