鹵家 (已搬遷) 新店位置

睇完版友介紹，今晚試咗鹵家，果然水準好高，合掌瓜老火湯清甜冇味精，最出色係蒜汁豬頸肉，惹味嫩口，蒜泥香味好正，豬頸肉嫰滑絕不鞋口，鹵麻豬耳少少麻，拌以芫荽辣椒，清香爽口，味道不俗，酒仙醉雞卷亦好入味，雞肉嫩口，加杞子更美味，唯有薰蹄併海蜇比較普通，唔係難食，但就唔算突出，比了下去，因為其他菜色都太好吃了。兩個人才吃了$190，性價比很高!唯一係落單女職員應該係新人，明顯好生手，此外老闆娘好親切友善，今餐食得好開心。