鹵家 (已搬遷) 新店位置

鹵家鴨 $68鹵水味唔算好濃 岩岩好 鴨既份量都多 有10幾舊海蜇醉鴨舌 $68 醉鴨舌都真係第一次食酒香味聞落幾濃 食落還可以鴨舌入味 多肉食老火湯係必點無味精猴頭菇南北杏椰子蜜棗紅蘿蔔粟米豬骨湯 個名好長 證明落左好多料去煲似住家煲既湯水

同媽味第一次黎食，左兩個晚市套餐（鹽香雞同燻蹄海蜇），啊姐上錯野，我地見到同樣係雞以為岩冇出聲，上到岩果款先發覺，就講話幫你地加番張單到（？？？）算喇幾十蚊咪當試下新野，問題係唔好食擺落口咬左兩下就...碟燻蹄海蜇同出面燒味鋪完全冇分別，鹽香雞同老火湯正正常常冇乜特別，平時媽咪都會食曬今次剩左好多，同樣既價位有更多選擇，唔會再黎。

聽聞係曾經喺五星級大廚坐鎮的小店，所以特意搵上門。Lunch time都幾full，等左一陣就有位啦！鋪面不大，似家庭式經營，室內約12個位，座位較狹窄，室外亦有一張檯，趁秋涼，坐出面都別有一番風味。整體價錢經濟合理。酒仙醉雞卷：作為飯前冷盤小食，賣相不錯，製作花功夫。肉質軟腍，酒味不太濃，清清地咁，夾雜杞子及青瓜絲食，感覺健康左招牌叉燒飯：睇落係一般普通既叉蛋飯，但叉燒肥瘦適中，配上有別於平時食開既蜜汁，醬汁應該係特製既，送飯一流

可能大家都會試過 係好肚餓個一刻 有一種好想食既食物 我地同鹵家既相遇 就係咁樣開始是日突然好想食叉燒飯 飲食男女推介佢 ---鹵家行到過去 大家都喔左一聲 呢間餐廳開左一段時間 每個星期都經過好幾次 但係完全無意欲入去試 因為1.本小姐唔好鹵味2.外面坐無冷氣為左食叉燒 今次我決定坐低鹵家店面唔大 里面大概容納到10個人 夜晚大家都坐哂外面 帶狗狗人士應該幾中意外面放左部戶外冷氣 但係對於30度既夏天黎講 只可以話有好過無於是我心諗 你最好好食今日我地叫左3個餐 可以選擇跟湯或飲品我地全部都揀左老火湯今日既湯品係霸王花豬骨湯 味道略淡 飲得出無乜落味精 加分主角上場 叉燒既肥瘦適中 燒得剛剛好 有小小燒焦嘅感覺 有別於傳統既蜜汁叉燒呢度當然要用鹵水啦 好味 大家一致應同呢個係人生top3最好食既叉燒再黎蒜汁豬頸肉蒜汁好野味濃郁 加埋爽口豬頸肉 令人不自覺扒多兩啖飯 呢個雞 好勉強俾到雞肉太林 鹽味唔出 就連薑蓉醬都冇乜味總結叉燒真係好出色 我已經推介好幾個朋友黎試雖然坐戶外有d熱 但係望來往既行人 又別有一番風味

鹵家雖然係小店，但用心製作。晚餐，一餸連白飯加無味精住家湯。今晚叫了兩個晚餐，豬頸肉，招牌叉燒，再加一個小食雲耳。豬頸肉的底下鋪滿了青瓜絲，吸滿了醬汁的味道，醬汁不是只有豉油，所以唔會過鹹，豬頸肉厚薄適中，不會過韌。招牌叉燒的底下鋪滿了芽菜，叉燒肥瘦適中，秘製醬汁入味，都唔會過鹹。雲耳令我最驚喜，平時的醬汁一係過酸，一係唔係好入味。鹵家的雲耳小食，酸度適中，食完唔會喉嚨充滿酸味，正。味道：4/5抵食：4/5回頭率：4/5

元朗多野食就係人都知，今次去左呢間低調嘅鹵家，充滿港式味道嘅食店，想坐室內就要等多陣，取了籌號等了十分鐘就入到去，舖頭算細，坐滿人都幾迫下，服務都唔錯。我同友人分別叫左２個ＳＥＴ，分別係鹵叉燒同埋豬頸肉，都係配白飯。我地另外當然叫番個招牌既酒仙醉雞卷。其實份量黎講就都幾夠，男仕食一碗都應該夠飽。先講酒仙醉雞卷，當然係凍食，酒味唔濃，雞算新鮮，但味道偏淡，屬一般，無咩驚喜。鹵叉燒都係一樣，味道一般，肉有點兒韌，我覺得燒會好食Ｄ，哈哈。豬頸肉醃料味重但唔咸，爽口，比叉燒好食但都係無驚喜。食完都係有Ｄ失望，可能自己本身對鹵味麻麻。

今日帶左狗狗出去散步，唔想食大排檔，於是四圍行行行發掘左呢間有得坐外面，可以帶埋狗仔食既餐廳燻蹄拼海蜇，無咩特別，但份量幾大鹵水大腸洗得乾淨，無臭味。但又差少少鹵水味？唔係好夠入味。必食！ 好好食的醉雞卷，同雞卷上的杞子好夾呀

屋企人竟然喺鹵家外賣咗叉燒、鹵水鵝同埋豉油雞番嚟加餸😍之前我專登去鹵家想食叉燒飯，但好可惜去到先知道叉燒售罄了😭今次終於食到佢地嘅叉燒😼to-eat list又搞掂一樣✅唔知係我屋企人買嗰時request定點，今次啲叉燒都偏瘦🤔不過瘦還瘦，肉質又唔會鞋嘅，食落都軟腍。幾鐘意一入口食落嗰種蜜味，我覺得同我平時食開嘅叉燒嘅蜜味係有啲唔同。呢到嘅叉燒係健康啲(?)嘅感覺😂可能都因為主要係瘦叉。其實鹵水鵝底下有啲豉油雞。而鵝同雞都幾入味，肉質都算幾嫩滑。雖然整體稱唔上特別出色，但簡簡單單加吓餸都唔錯😼

哩間又係被媒體介紹過嘅小店，一心嚟想試吓出名嘅叉燒，但七點幾已賣哂，睇嚟要午市嚟食。依間真係小店，大概坐到十二人，晚市門口都會開幾枱嘅。晚市有套餐揀，大概七十蚊有交易，包湯/飲品，及飯/麵。價錢算合理，因為餸菜都幾大份。今日係菜乾豬骨湯，份量好大，係平常見到嘅一點五倍。一飲就好似媽媽煲嘅老火湯一樣，無味精，好好飲。一埸嚟到好想試多幾款，所以叫左個雞絲粉皮。以前菜嚟講都算大碟，雞絲份量適中，但就無咩味，不過醬汁俾得夠，都唔太差。粉皮都爽口。套餐叫左秘汁鹵家鴨，送上鴨脾，大大隻，好驚喜。鴨肉較韌，有咬口，韌嘅程度可以接收。點嘅白醋汁多蒜蓉，好喜歡。鴨肉下面有芽菜，索哂滷水汁，正呀！另一個套餐係香蔥煲仔豉油雞，原煲上枱，仲係滾嘅，賣相已經好贏哂。雖然係冰鮮雞，但肉質估唔到好幼滑。如果係重口味嘅朋友可能會嫌唔夠味，但我就幾鍾意佢唔太鹹，豉油汁帶有少甜。另外，配料薑蔥莞茜落得夠，所以成煲雞好香。天氣凍凍地，食完成身都暖哂。最緊要係食完唔會口渴，而且味道唔太重，啱哂成日出街食，但又想食住家飯嘅朋友！

鹵家一家家庭式經營的小店店內燒味都是店家在店裏自己做的店家理應主打是鹵水但我覺得叉燒做得更好外層烤焗至微焦味道帶點甜又有點焦香肉質鬆軟肥瘦均勻連帶叉燒底下的芽菜也很好吃是我每次去都必需要點的食物喔我覺得好吃不等於你 純屬個人意見愛分享

琴晚同班fd係元朗打完波就去搵野食。估唔到依家元朗仲有d咁高質既家庭式小店。信心推介叉燒王，不過聽店員講係每日限量幾十份，但唔同外面d叉燒，肉質腍得黎又有烤香味！小食就推介醉雞卷，又平份量又多！

成日行過都大排長龍，今日終於一試一般鹵水舖通常都系鴨，拼盤咁，但呢排實在太熱，系呢到竟然有唔差既冷盤，都幾有驚喜，😆先叫左碟麻香凍豆腐，個人冷盤首選，凍得泥唔會成口冰咁，加埋d芝麻醬，消暑一流，跟手叫左個薰蹄海蜇，都系凍盤，薰蹄入口唔會話有雪味，同埋食食下系有d酒香，值得一試最後都系頂唔到餓，無叉燒食，就叫左碟鹵家鴨，我唔算叫做高要求，但出面好多鹵水鴨都“鞋”到我硬胃，呢度既鴨鹵得入味之餘，又唔"鞋口"，正！👍🏻題外話，呢到d湯睇落幾足料，老闆娘仲話係日日唔同，對於單身仔泥講絕對系欣物，我今晚就飲左碗老黃瓜，但最慘唔記得影相 😑

有睇過周星馳嘅你 又點會唔記得咩喺黯然銷魂飯 就喺太陽蛋加叉燒飯🍳-而今日呢個就喺食神叉燒飯 ($47)廢使大家聽到個名就黯然落淚 無哂心機食飯👍🏼叉燒肥瘦得宜 啊姐我愛靚唔愛命 好驚食到全部都喺肥膏嘅叉燒🤦🏻‍♀️😂但呢到嘅叉燒食落唔會柴口 有少少肥膏連住 帶出豬肉香氣👅重點喺會有陣陣蜜糖香氣滲出 絕對有畫龍點睛嘅作用👍🏼 再加埋太陽蛋 簡直喺無敵是最寂莫～不過佢地成日開市無耐 around 一個鐘就賣哂🤦🏻‍♀️希望你地唔好去得咁快 等我可以食多幾次😂

這一家小店經雜誌報導後認真跨張，未到六時半已見到人龍。最離譜的是，即使排完隊付完款買外賣也等了半個多小時！只是買叉燒飯，明明不用烹煮的菜式（不計排隊買的時間）也等成三十五分鐘！這晚市套餐$68， 包小菜、白飯同湯。而今次選的是傳聞中常常賣囇的叉燒王。叉燒好瘦，肉質比較硬，無乜肉味，蜜味亦唔強，只有炭火香，認真麻麻地。而所謂的老火湯也真的十分例湯，味道很淡，唯味精不多。真的試一次就算了，唔會有下次。

我又返黎啦，唔好意思，呢排比較忙，所以好小上黎呢度，希望大家都幾好啦相信睇到呢編文章既時候，相信你又入黎元朗搵食呢你真識貨，元朗人多，車多，好食既野都好多先同大家講聲唔好意思先，因為我受到一D壓力, 所以, 唔能夠公平咁, 再寫呢間餐廳嘅食評啦，抱歉不過, 最後我都呈上幾張相, 俾大家睇下啦, 呢啲相係之前影嘅， 我覺得自己啲影相手勢好過啲食物囉總括: 食物質素唔評論, 但做生意嘅手法確有問題, 想食嘅朋友自己執生啦