Doux (已結業)

臨近聖誕梗係要食下西餐慶祝一下，咁就同個朋友嚟咗呢一間餐廳食返個西餐先。我哋揀咗北海道帶子黑松露意大利飯同埋皇家楓糖燒春雞。每個套餐都會有個湯同沙律， 三文魚沙律好好食。我叫咗一杯梅子西瓜梳打，呢個配搭好似好奇怪，但係就味道好夾，有西瓜嘅清新同甜味，再加上梅子嘅味道我朋友就揀咗呢個滴漏嘅橙茶，未試過飲，原來咁整橙嘅鮮甜味就會出晒嚟，同埋冇橙皮嘅苦澀味黑松露帶子意大利飯，帶子好新鮮，個意大利飯整得好好食，充滿着牛油同埋忌廉嘅香味，配埋大塊嘅巴馬臣芝士，上個意大利飯都好creamy,唔會話好鹹，同埋唔會覺得好漏皇家楓糖燒春雞， 原來楓糖同燒春雞係咁夾， 我覺得比一般蜜糖更加之好食，同埋隻雞燒到剛剛好，裏面仲好多汁，係屋企都可以整下甜品就揀咗呢一個桃味嘅甜品，裏面係土嘅mousse，好香嘅桃酒味，淨係個賣相已經滿分。成餐飯都好滿意無論有頭盆去到甜品色香味俱全，而且價錢唔係好貴，性價比真係好高，好少遇到啲咁有質素已有價錢唔貴嘅餐廳