棋哥燒鵝餐室

營業中

休息中

古有Tempo 冒牌貨叫Tango，而家 “棋哥燒鵝餐室” 改左名做 “棋哥鵝家莊”，裝修無變但食物質素就滑跌爐式大大插水。今晚同老公去左好耐無去既筲箕灣棋哥燒鵝食飯。到左門口就覺得個招牌唔同左，保留棋哥既名，但無啦啦加左鵝家莊, 心諗都係棋哥姐...餐牌同以前差唔多，但改左自己手劃落單。我叫左燒鵝拼腩仔飯，以前棋哥燒鵝係有一種荔枝柴火香味，而家完全消失左，亦無燒鵝既獨特味道, 燒腩仔脆皮但咸。老公叫左燒鵝拼叉燒, 落單前伙記話而家轉左賣腩叉。我好耐無見過 “淺橙色” 既肥叉燒.... 到底係咩黎？？？？到底個師傅跟邊個學師？？？一擺舊燒鵝入口就覺得比人騙左...可一不可再系列...