更多
2014-05-27
5848 瀏覽
短時間內，再黎第二次，原因只有一個—梁師傅。五月十五是梁師傅最後於海景軒工作既日子，今日之後應該都再無機會係海景軒試到梁師傅既手勢，正正因為禁，五月十五號一定要黎。黎之前，已經搵梁師傅定好菜單。食既當然係手本名菜菜單如下：明爐腊腸卷鮮竹時蔬卷水晶牛肋肉網油豬腦卷四寶元肚竹絲雞湯古法蟠龍鱔泮塘山渣卷家鄉煎茶粿蛋白杏仁露十道菜，十全十美每道菜個別既觀賞性同品嚐性都好高，可以同時品嚐十道好質數既菜式，無憾。明爐腊腸卷，油脂豐富，入口後卷就散開，油脂溶化，口腔內充滿油脂香，出色。鮮竹時蔬卷，清新而不乏味，不簡單，調味出色，同時保留蔬菜的鮮味。水晶牛肋肉，相信對常來海景軒的朋友都不會陌生，這絕對是經典菜式，生果跟肉食從來是絕配，生果可以減少肉類的肥膩感。水晶梨入味，牛肋肉夠淋。互相輝映，不膩不淡，超卓。網油豬腦卷，你是如此的難以忘記，不知何時開始膽固醇同美味畫上等號，此等高膽固醇的菜式不出大錯都命不會太難食，何況係梁師傅手下。網油加上豬腦去炸，油香加上滑滑豬腦，無講味道香味跟質感都是上乘的。入口即溶的豬油，好正。四寶元肚竹絲雞湯，簡單一碗湯，做法絕不簡單，用元肚包著材料去煲，我唔識煮，但食我都識
黎之前，已經搵梁師傅定好菜單。食既當然係手本名菜
菜單如下：
明爐腊腸卷
鮮竹時蔬卷
水晶牛肋肉
網油豬腦卷
四寶元肚竹絲雞湯
古法蟠龍鱔
泮塘山渣卷
家鄉煎茶粿
蛋白杏仁露
十道菜，十全十美
每道菜個別既觀賞性同品嚐性都好高，可以同時品嚐十道好質數既菜式，無憾。明爐腊腸卷，油脂豐富，入口後卷就散開，油脂溶化，口腔內充滿油脂香，出色。
鮮竹時蔬卷，清新而不乏味，不簡單，調味出色，同時保留蔬菜的鮮味。
水晶牛肋肉，相信對常來海景軒的朋友都不會陌生，這絕對是經典菜式，生果跟肉食從來是絕配，生果可以減少肉類的肥膩感。水晶梨入味，牛肋肉夠淋。互相輝映，不膩不淡，超卓。
網油豬腦卷，你是如此的難以忘記，不知何時開始膽固醇同美味畫上等號，此等高膽固醇的菜式不出大錯都命不會太難食，何況係梁師傅手下。網油加上豬腦去炸，油香加上滑滑豬腦，無講味道香味跟質感都是上乘的。入口即溶的豬油，好正。
四寶元肚竹絲雞湯，簡單一碗湯，做法絕不簡單，用元肚包著材料去煲，我唔識煮，但食我都識既，依個竹絲雞湯比平常鮮，令人回味。
食到一半，精彩我在後頭。古法蟠龍鱔，鱔肉嫰又入味，正。鱔易腥易老，用濃味汁，慢煮，用料新鮮，立於不敗之地。味道出眾，加小小飯，食盡每滳汁，一點也不浪費。鱔肥粗肉厚，去曬骨，好似扒，但又無紅肉既膩，完美。
杭州富貴雞，其實姐係乞丐雞，中國人既語言藝術從來不差。先把雞用配料填滿，再包上荷葉以及錫紙，最後封泥去焗。比傳統做法多了層錫紙，一來可阻開泥同雞，二來熱力可以更平均。慢火焗，原理就好似西式slow cook，所以從來都話中國廚藝博大精深。開出黎食，果然嫰滑也有荷葉香，而填料也盡吸雞油雞汁，一口一口的吃，有點幸福的感覺，因為要食到好食既野真係好難。
之後就到狀元茶粿，茶粿表面相當煙韌，反一反身茶粿底部香脆，兩種節然不同的口感連在一起，出奇地配合，再加上甘香油份的餡料，令這狀元茶粿產生令人難以忘懷。
最後就係甜品啦，一如既往，今次都係以山渣卷同蛋白杏仁露作結。鮮有人投訴味道的甜品，今次都無令我地失望。山渣卷，煙韌有咬口而山渣味重，足料之作
之後又係梁師傅出場既時間，招牌蛋白杏仁露，傳統糖水從來唔難做，只係要用心。海景軒用料唔差加上心機，出品絕對唔差，以此甜品畫上完美既句號。
梁師傅今後就逍遙快活，海景軒轉換主腦有幾大影響還是未知之數，但起碼我享受了梁師傅在海景軒的最後晚餐，無憾了。
題外話/補充資料：
可以做到梁師傅海景最後晚宴既坐上客真係榮幸
(以上食評乃用戶個人意見 , 並不代表OpenRice之觀點。)
張貼
