影片
更多
2011-06-17
26 瀏覽
上星期在open rice,無意中發現這間自助餐睇住d食評同靚相,搞到我好肚餓＞．＜心思思左成個禮拜，前日終於同爸爸去食了～其實早幾日已經打定電話去訂位（之前ｄ食評都話要訂定位）點知打左好多次都冇人聽＞＜雖然有d擔心冇位,但係都照去去到果度,望入去見到座無虛席就諗住出事喇...好彩都有位比我地,雖然離buffet區最遠,但都叫有得食丫一擺低個袋就出去拎野食喇～因為太餓既關係，首先就拎左個中湯同少少熱食頂一頂果日既中湯係淮山燉豬展，清清地，有落左味精不過唔係好多，用黎吊一吊味，可以接受既程度豉椒雞柳幾入味，唔錯～煎三文魚我唔記得冇落汁，味道可以接受第二輪我全部都拎肉黎食羊架－－我覺得最好食之一，最鍾意羊肉帶ｄ騷味，個人覺得食羊就係食果股羊騷味烤牛肉－－依個我唔係咁鍾意，我好少會食ｄ比較焦既野印式烤雞－－個雞一ｄ都唔’鞋口’，而且ｆｅｅｌ到廚師有事先落ｄ檸檬汁，幾清新翡翠螺真係幾好食好清甜，如果冇沙就更好喇話說蟹依Ｄ咁麻煩既野我好少自己主動食，不過今次爸爸竟然主動為我服務（好感動～）第一啖食蟹鉗勁強烈既咸味，我比佢吓到了．．．不過之後果Ｄ就不錯哦～非常的鮮甜第三輪就專攻甜品了綠茶奶涷－－佢
睇住d食評同靚相,搞到我好肚餓＞．＜
心思思左成個禮拜，前日終於同爸爸去食了～
其實早幾日已經打定電話去訂位（之前ｄ食評都話要訂定位）
點知打左好多次都冇人聽＞＜
雖然有d擔心冇位,但係都照去
去到果度,望入去見到座無虛席就諗住出事喇...
好彩都有位比我地,雖然離buffet區最遠,但都叫有得食丫
一擺低個袋就出去拎野食喇～
因為太餓既關係，首先就拎左個中湯同少少熱食頂一頂
果日既中湯係淮山燉豬展，清清地，有落左味精不過唔係好多，用黎吊一吊味，可以接受既程度
豉椒雞柳幾入味，唔錯～
煎三文魚我唔記得冇落汁，味道可以接受
第二輪我全部都拎肉黎食
羊架－－我覺得最好食之一，最鍾意羊肉帶ｄ騷味，個人覺得食羊就係食果股羊騷味
烤牛肉－－依個我唔係咁鍾意，我好少會食ｄ比較焦既野
印式烤雞－－個雞一ｄ都唔’鞋口’，而且ｆｅｅｌ到廚師有事先落ｄ檸檬汁，幾清新
翡翠螺真係幾好食好清甜，如果冇沙就更好喇
話說蟹依Ｄ咁麻煩既野我好少自己主動食，不過今次爸爸竟然主動為我服務（好感動～）
第一啖食蟹鉗勁強烈既咸味，我比佢吓到了．．．不過之後果Ｄ就不錯哦～非常的鮮甜
第三輪就專攻甜品了
綠茶奶涷－－佢既綠茶分量真係好足，食落口濃濃既苦澀味過後回甘，依ｄ先叫綠茶家嘛（純粹自身’怨念’）
不過佢既奶味就唔係咁明顯，真係好淡，我食左幾個都唔多覺。滿足左綠茶癮，但奶癮就一直吊住，好傷心呀．．．
綠荼蛋糕－－綠荼分量同奶涷差唔多，不過奶涷食落好滑嫩，而依個就口感比較豐富，第一啖ｆｅｅｌ到好苦，跟住就咬到甜甜既榛子醬，最後食埋個蛋糕，ｄ味道中和番，又想再食過喇～
大致上係咁多，依ｄ印象深ｄ，寫住依ｄ算喇，畢竟過左兩日好難記得哂／ｖ＼
依度ｄ野真係幾好食，不枉我強拖爸爸同我黎食
美中不足既係，食到最後先記得影相依樣野．．．囧
最後既最後，人生第一篇食評終於出爐喇～～
其實一直都想寫架拿，不過懶得打字（話說打呢篇咁行既野都用左成日時間囧．．．）
我既第一次就比左The Market喇～～
ＰＳ：十分感謝有耐性睇完呢篇劣作既人（跪拜）
希望冇傷到你既眼睛（乾笑）
張貼