裕鵝莊 (已結業)

同朋友去開尖沙咀行街 經過呢間位於九龍中心地下嘅燒鵝專門店 見喺openrice評價都唔錯 所以同朋友都想試下呢度嘅燒鵝 其實呢到裝修都幾新派 我哋被安排入座卡位 卡位嘅梳化好舒服 餐廳裏面亦播放住柔和嘅音樂 其實已經慢慢覺得呢到雖然賣嘅係傳統嘅燒鵝 但個感覺就好似好年輕好新潮由於係突燈入嚟食燒鵝 所以我哋只叫咗一個嘢食就係燒鵝下莊$190 每日限量發售架 燒鵝黎到果然冇令我哋失望 皮脆肉嫩 夠味得黎唔會過咸 亦有鵝味 燒鵝皮夠厚身同脆亦爽口 一食就知係新鮮燒起 唔似出面有啲燒鵝店既燒鵝皮咬落去淋啤啤 另外肉質結實唔會煤 肉汁都好夠 配埋白飯就更加perfect 呢到既醬汁同街一般既有些少分別 呢度既醬汁雖然都係甜甜酸酸 但似乎係醬汁既稀結度突燈落過工夫 唔會太稀又唔會太結 令到d Sauce更加容易包住啲肉 食落更加Match