CHEF STAGE de Eddy Chu (已結業)

上年同男友黎食過後對呢間fusion 菜念念不忘，今日難得平日一齊放假，所以同男友再黎回味下。今次度仲有駐場歌手現在彈結他，氣氛好好。黑毛豬熱脆包包用上薄薄的脆皮，配上厚切黑毛豬，再加上微微日式wasabi sauce更添風味，同黑毛豬好夾，提升左黑毛豬既味道，而且店家仲配埋菠蘿，除自己心意夾埋一齊食，可增添胃口同時去膩。蟹肉煙三文魚配荔枝珍珠呢個沙律材料豐盛，有芒果，蟹肉絲，爆珠，煙三文魚等等。芒果夠甜，蟹肉同煙三文魚夠多，荔枝珍珠一咬下去有陣陣荔枝味，茘枝汁令到沙律酸中帶甜，非常有田園氣息。黑松露日本年糕松露汁多且creamy, 年糕煙un, 每口年糕沾滿黑松露汁，又香又滑，松露味好突出，意想不到禁夾。黑松露蘑菇湯黑松露同菌味非常濃郁，每啖都嚐到打碎既蘑菇。質感濃厚，但又唔會過杰，好味到連男友碗都飲埋😂正！燒法國黃油雞扒配松露鮑魚松露汁停不了🙈🙈松露忌廉汁又香又creamy，同雞扒好夾，雞肉吸哂d汁嘅精華好好味，雞扒外皮脆，肉嫩，鮑魚爽彈，松露提升左鮑魚既鮮甜，好入味😋配菜方面好特別，竟然係用係冰菜， 新鮮，菜味濃郁，十分爽口。牛肉扁意粉意粉煮得剛好，意粉口感煙韌富彈性，份量適中。