影片
更多
2019-02-02
4941 瀏覽
對上一次光顧 Cafe East ，正好踫上周年慶祝活動，記憶所及，優惠更達五折，當時跟外母一家慶祝，十多人都覺得划算。 事隔多年，餐廳亦重新打造過，食物的質素的確有所改進，又是時候走一轉了。 海鮮 半開波士頓龍蝦好多都有嫣紅既蝦膏，食得令人滿意。 翡翠螺 體形大，肉質煙韌。至於青口、凍蝦及蟹腳，質素都不錯，可以一試。 刺身 有象拔蚌、三文魚、吞拿魚及甜蝦。 湯前前後後竟然有四款湯，也未免有點誇張。 首選當然是花膠響螺蟲草花燉雞腳，湯料好足，差不多佔了半盅，材料的精華都跑到湯裡去了，很醇的感覺。 西洋菜豬骨湯在家煲西洋菜湯，單是清洗已經煩死了，更何況自己喜歡把菜煲至糜爛？有機會遇上當然要飲，但今次西洋菜還可以再煲耐少少。 甘筍忌廉湯香甜幼滑，伴麵包食一流。 冬蔭公辣勁在可接受程度，香茅味幾出，海蝦亦不少，但沒有自己喜歡的蘑菇粒。Carving Sstation 芝士焗龍蝦除了凍食龍蝦，仲有熱食，厚厚的芝士蓋住龍蝦肉，表面微焦，食落香口，不錯。 燒澳洲牛肉眼幾位男仕都大讚，因為燒得啱啱好，大部份肉質呈嫣紅，而且帶血水，食落富肉味，唯一怪怪
事隔多年，餐廳亦重新打造過，食物的質素的確有所改進，又是時候走一轉了。
海鮮
半開波士頓龍蝦
好多都有嫣紅既蝦膏，食得令人滿意。
翡翠螺
體形大，肉質煙韌。
至於青口、凍蝦及蟹腳，質素都不錯，可以一試。
刺身
有象拔蚌、三文魚、吞拿魚及甜蝦。
湯
前前後後竟然有四款湯，也未免有點誇張。
首選當然是花膠響螺蟲草花燉雞腳，湯料好足，差不多佔了半盅，材料的精華都跑到湯裡去了，很醇的感覺。
西洋菜豬骨湯
在家煲西洋菜湯，單是清洗已經煩死了，更何況自己喜歡把菜煲至糜爛？有機會遇上當然要飲，但今次西洋菜還可以再煲耐少少。
甘筍忌廉湯
香甜幼滑，伴麵包食一流。
冬蔭公
辣勁在可接受程度，香茅味幾出，海蝦亦不少，但沒有自己喜歡的蘑菇粒。
Carving Sstation
芝士焗龍蝦
除了凍食龍蝦，仲有熱食，厚厚的芝士蓋住龍蝦肉，表面微焦，食落香口，不錯。
燒澳洲牛肉眼
幾位男仕都大讚，因為燒得啱啱好，大部份肉質呈嫣紅，而且帶血水，食落富肉味，唯一怪怪的，是燒汁賣相竟然有點似咖喱汁。
至於黑松露龍蝦意粉，就因為太飽，留返下次再食。
鐵板燒
韓式韮蔥煎餅竟然香口又微脆，想不到的好食，大家要試。
和牛牛扒、三文魚、羊扒及大蝦
全部都是落 order 即煎，和牛扒當然是最受歡迎，其實大蝦剪開背部，再加上牛油，煎得啱啱好，一定要食。
另外，仲有富油香的扒香草牛仔骨、啖啖肉既醬烤豬仔腳骨及出奇地嫩滑的蜜汁燒雞膇，有水準。
至於紅酒燴牛肋肉、日式炸天婦羅、清酒煮大蜆、千禧炸海鮮拼盤（魚柳、墨魚波及洋蔥圈）、葡式燒乳豬及葡國臘腸炒飯，真係太飽了，有機會再試吧！
而壽喜燒（肥牛、豆腐、芋絲、冬菇、娃娃菜） ，每款夾了少少，但覺得未夠入味。
爐端燒
其實幾好睇，因為堆滿了秋葵、雞翼、煙肉卷（蕃茄及蠔）、牛脷及粟米，用來送啤酒一流。
熱葷
蒜蓉蒸扇貝
一向是海鮮擁躉，當然會食，但欠了澆熟油的處理，總是覺得未夠風味。
北京片皮鴨
本身肉質及味道無問題，但實在太厚切了，而且醬汁有點怪怪的。
鮑魚花膠拼盤
源源不絕供應，食極都有，花膠每片都有半隻手掌大，鮑魚柔韌入味，冬菇又係大大隻，真係食呢個都可以飽。
燒乳鴿
好少自助餐有燒乳鴿，所以好受歡迎，鴿肉係嫩，但總覺得滷得未入味。
加上清蒸海龍躉、辣椒炒青口及枝竹羊腩煲，應有的都有。
灼料吧
灼料有牛柏葉、雲吞、牛丸、魚蛋及墨魚丸配搭菠菜麵、河粉或生麵，愛吃澱粉質的朋友，又有發揮的機會。
咖喱區
有雞肉馬薩拉、秋葵馬薩拉、印式燒雞、印度烤餅及印度飛餅。
甜品
先要提提雪糕機，有乳酪雪糕及芒果雪葩供應，但好快溶，小心。
雪糕巴芙
可以自由選擇心頭好雪糕，再灑上綠茶粉，內裡冰凍，外層鬆軟，諗起都想食多次。
榴槤雪糕
全部用獨立膠袋包好，榴槤味起初不太重，但慢慢在舌頭漫延，愛吃榴槤的朋友，可不要放過。
梳乎厘
又是即焗，自己懶得排隊，同行朋友食過說不錯。
檳城薄餅（花生、杏仁、椰絲及花生醬）
很少自助餐可以食到的甜品，不單脆卜卜，而且餡料好香甜，要試試。
哈根大師
有Cookies & Cream、Tiramisu、Raspberry Sobet、藍莓、牛奶拖肥、咖啡及芒果，部份味道比較少見，值得一試。
其他甜品有日式芥末芝士慕絲、85%特濃朱古力慕絲、雜莓醬青柑檸慕絲、焦糖香蕉雲妮拿慕絲、北海道鮮忌廉白桃卷蛋、櫻花士多啤梨蛋糕、菠蘿啫喱檸檬綠茶卷、法式燉蛋栗子蛋糕、長崎蜂蜜蛋糕、柚子茶雲妮拿忌廉蛋糕及Tiramisu。
個人推薦85%特濃朱古力慕絲，因為喜歡度數高的朱古力，純粹個人情意結。
甜品區另一邊有咸蛋黃芝士餅、朱古力芝士餅、芒果芝士餅及綠茶芝士餅，算起來種類幾多。
張貼
