港滋味 (已結業)

筲箕灣嘅東大街有唔少特色餐廳，今日我哋就想搵間坐得舒舒服服，食吓小菜嘅小店，見到呢間新開嘅港滋味，一於試試。三燒腩叉叉燒特意選用腩位，一層肥一層瘦，唔會太油膩，食嘅時候肉質軟熟，加上秘製嘅調味，唔錯。海南雞餐廳嘅海南雞選用新鮮雞，所以呢隻雞嘅肉味確實香濃，肉質有彈性而雞皮唔會太肥。菠蘿脆皮咕嚕肉相信係餐廳嘅代表作，因為真係好好味。首先餐廳選用新鮮豬肉，所以炸過嘅咕嚕肉外脆內嫩，肉味濃郁又夠Juicy，當然配上酸酸甜甜嘅汁，夠晒開胃。肉醬扒時蔬菜今日嘅時蔬係菜心苗，所以非常翠嫩。菜上面就放有大量菇粒同肉粒，夾埋一齊食令味道更有層次。