隨心 (已搬遷) 新店位置

今晚約咗朋友收工食飯，係鰂魚涌做野嘅佢帶咗我嚟呢間東南亞嘢食，係地鐵站行幾分鐘就到貪佢夠方便。主食主要有喇沙同海南雞等選擇，諗到嘅都有。海鮮喇沙 $85-配料好足，有大大粒帆立貝、兩隻大蝦、魚片、蟹柳等，喇沙湯陣陣椰香味，豆卜索曬啲湯汁好味。海南雞飯 $85-東南亞菜必食，無骨雞又多又大塊，亦好嫩滑，皮下脂肪少。湯好清甜飲得出無味精。咖哩薄餅(二) $32-薄餅熱辣辣，一塊都幾大下，咖哩味濃郁唔算太辣。