麺屋こころ (軒尼詩道)

營業中

休息中

灣仔呢間日式撈麵其實已經bookmark左好耐，一直都好想食不過未有時間，呢日終於有機會喇。我叫左個柚子鹽味撈麵，酸酸地好清新，另外雞肉都好嫩滑，同埋都好爽口彈牙，個麵質好啱我，有少少似食緊沾麵，不過係比較幼身啲嘅。同埋佢地自創左一個食法，枱面上有介紹，原來食左一d麵條之後，仲可以再加入其他調味料，咁樣食法可以令到味道更加有層次，同埋你會食到幾個唔同嘅味道。下次要試吓佢哋其他嘅款式，因為都真係好吸引。