影片
更多
2021-10-29
831 瀏覽
去上環搵食真係有啲頭痛，選擇多，特色小店又多。難怪我bookmark list 上嘅上環餐廳食極都食唔完😆😆今次來到主打漢堡包、手工意粉嘅小店 - 「La Casa Burger & Pasta」。店內座位唔算好多，全採用高枱同埋高凳。由於就快到萬聖節🎃嘅關係，店內已經掛滿裝飾，氣氛很好呀。進入店後先到收銀櫃落單，然後再搵位坐。 雖然店員要同時處理外賣單， 但以即叫即整嘅漢堡包嚟講上菜速度都算快。▫️經典芝士漢堡(HKD115） ▫️川式麻辣雞扒漢堡(HKD108）餐牌上嘅漢堡包價錢以單物計算，轉做combo只係加$30就有飲品+小食。 所以我哋兩個漢堡包都加咗錢去升級。小食有四款選擇，我哋就叫做薯角同埋炸雞可以交換嚟食😆😆炸薯角唔係配茄汁，而係籃芝士醬 呢度嘅藍芝士醬味道溫和，唔洗擔心芝士味會太過濃厚。漢堡包有7-8款揀，由牛肉、豬肉、雞肉、魚肉到素食都有！睇食評有好多人推介「經典漢堡包」，一試之後就明白點解喇。 車打芝士佈滿喺塊漢堡扒上面，啲芝士流晒出嚟未入口已經覺得好正🤣🤣漢堡扒足足有120g，厚肉又多汁。加埋蔬菜、青瓜、紅蘿蔔絲同埋麵包，個厚度未必人人都可以一啖咬落去🤣麵包唔係自家
今次來到主打漢堡包、手工意粉嘅小店 - 「La Casa Burger & Pasta」。店內座位唔算好多，全採用高枱同埋高凳。由於就快到萬聖節🎃嘅關係，店內已經掛滿裝飾，氣氛很好呀。進入店後先到收銀櫃落單，然後再搵位坐。 雖然店員要同時處理外賣單， 但以即叫即整嘅漢堡包嚟講上菜速度都算快。
▫️經典芝士漢堡(HKD115）
▫️川式麻辣雞扒漢堡(HKD108）
餐牌上嘅漢堡包價錢以單物計算，轉做combo只係加$30就有飲品+小食。 所以我哋兩個漢堡包都加咗錢去升級。小食有四款選擇，我哋就叫做薯角同埋炸雞可以交換嚟食😆😆炸薯角唔係配茄汁，而係籃芝士醬 呢度嘅藍芝士醬味道溫和，唔洗擔心芝士味會太過濃厚。漢堡包有7-8款揀，由牛肉、豬肉、雞肉、魚肉到素食都有！
睇食評有好多人推介「經典漢堡包」，一試之後就明白點解喇。 車打芝士佈滿喺塊漢堡扒上面，啲芝士流晒出嚟未入口已經覺得好正🤣🤣漢堡扒足足有120g，厚肉又多汁。加埋蔬菜、青瓜、紅蘿蔔絲同埋麵包，個厚度未必人人都可以一啖咬落去🤣
麵包唔係自家製，但都經過老闆嚴格挑選後先拎出嚟賣。好似炸魚包同經典漢堡包所用嘅麵包係唔同。每個麵包都有烘過，包身微暖同埋咬落口有少少脆身㗎。
張貼
