Itamama (東港城) (已結業)

一個星期總有一兩日唔想煮飯,今日去左坑口東港城同屋企人食飯,呢間itamama好似好多分店,但係都冇食過,又唔洗等位咁就試下啦.Menu冇咩餐揀,主要都係散叫.我地叫左Mama Pizza,烤雞配薯條,蕃茄野菌炒天使麵,帆立貝海鮮龍蝦汁意大利飯,法式田螺焗薯蓉,再加左個黑松露野菌湯.湯上先,唔係好稀果D湯,有好多菌類打成蓉咁,都幾好飲,又大碗.法式田螺焗薯蓉價錢唔太貴,味道都唔錯幾好食,但田相比起出面就細粒小小.烤雞配薯條雞比較乾身,但係個汁就幾野味,好match隻雞,份量都幾多,一個人都好夠,比較遺憾係冇曬薯條改左薯蓉.蕃茄野菌炒天使麵味道一般,唔太好食,油味同草味偏重,我覺得唔太好食.帆立貝海鮮龍蝦汁意大利飯龍蝦汁意大利飯好好食,我個人比較偏好食意大利飯多D,個汁同意大利飯個口感都好食,美中不足係海鮮有小小沙,但都可以接受.Mama Pizza呢個Pizza有溫泉蛋,幾唔錯,而且又係薄身Pizza,份量岩岩好,唔會有厚批個種無限食包個感覺.整體黎講都幾好食,雖然冇餐,但咁就唔洗比set局限住.