影片
更多
2021-08-30
27 瀏覽
📍𝗕𝗮𝗻𝗰𝗵𝗮𝗻 𝗮𝗻𝗱 𝗖𝗼𝗼𝗸 반찬앤쿡 (東涌) 唔知大家多唔多行東薈城outlets呢，我就好鐘意行啦，有超多店舖!! 🛍 行完街就梗係要搵好嘢食啦，今次就黎到Banchan and Cook~ 呢間餐廳係食韓國嘢嘅🇰🇷，依家仲要做緊白桃主題，好吸引呀!! 一坐低嘅時候餐廳就會提供韓式前菜，係酸蘿蔔青瓜，好開胃~ 𝑰𝑻𝑬𝑴𝑺 𝑶𝑹𝑫𝑬𝑹𝑬𝑫:▪️明太子厚煙肉蛋包飯 ($112)蛋包飯係佢哋好出名嘅嘢食，店員奉上蛋包飯嘅時候會首先問吓客人需唔需要影相先📸，等客人影完相之後先會幫忙切開蛋包飯，此舉非常貼心。😍蛋包飯賣相好靚，大大嚿脹卜卜咁，超吸引！店員用小刀輕輕𠝹開蛋包飯嘅表面之後，🍳澎湃既流心滑蛋即刻湧晒出嚟，望都望到流晒口水呀！滑蛋超級嫩滑，而且蛋汁豐富，仲有超香嘅明太子喺上面，夾埋一齊食超正。內裏就係牛肉炒飯，旁邊仲有少少沙律菜同厚煙肉，☺️煙肉果然非常厚身，味道仲好濃郁!! ▪️慢煮羊膝配薯條 ($165)羊膝份量好多，經過慢煮之後超級入味，而且肉質仲好軟林林好好味。🐑 羊肉味道好香，而且仲要一啲都冇羊羶味!! 呢個會配埋薯條、蘿蔔、沙律菜等等配料，超級豐富！▪️蜜糖無骨炸雞(半份
唔知大家多唔多行東薈城outlets呢，我就好鐘意行啦，有超多店舖!! 🛍 行完街就梗係要搵好嘢食啦，今次就黎到Banchan and Cook~ 呢間餐廳係食韓國嘢嘅🇰🇷，依家仲要做緊白桃主題，好吸引呀!! 一坐低嘅時候餐廳就會提供韓式前菜，係酸蘿蔔青瓜，好開胃~
𝑰𝑻𝑬𝑴𝑺 𝑶𝑹𝑫𝑬𝑹𝑬𝑫:
▪️明太子厚煙肉蛋包飯 ($112)
蛋包飯係佢哋好出名嘅嘢食，店員奉上蛋包飯嘅時候會首先問吓客人需唔需要影相先📸，等客人影完相之後先會幫忙切開蛋包飯，此舉非常貼心。😍蛋包飯賣相好靚，大大嚿脹卜卜咁，超吸引！店員用小刀輕輕𠝹開蛋包飯嘅表面之後，🍳澎湃既流心滑蛋即刻湧晒出嚟，望都望到流晒口水呀！滑蛋超級嫩滑，而且蛋汁豐富，仲有超香嘅明太子喺上面，夾埋一齊食超正。內裏就係牛肉炒飯，旁邊仲有少少沙律菜同厚煙肉，☺️煙肉果然非常厚身，味道仲好濃郁!!
▪️慢煮羊膝配薯條 ($165)
羊膝份量好多，經過慢煮之後超級入味，而且肉質仲好軟林林好好味。🐑 羊肉味道好香，而且仲要一啲都冇羊羶味!! 呢個會配埋薯條、蘿蔔、沙律菜等等配料，超級豐富！
▪️蜜糖無骨炸雞(半份) ($108)
韓國嘢又點少得炸雞呢，🐥炸雞炸得好好，外脆內嫩，入面嘅雞肉超juicy超滑，仲要係無骨㗎，食落啖啖肉咁超方便。🍯 炸雞嘅表面佈滿蜜糖，超級香甜。另外仲會配上韓式年糕同薯條，薯條炸得好香脆，年糕煙煙韌韌咁幾正！
▪️烤朱古力棉花糖 ($78)
差唔多食完主菜嘅時候就可以叫定棉花糖先，因為係即叫即焗嘅，要等15分鐘左右。棉花糖好大份，外表焗得焦脆，金黃色咁超吸引，🍫 仲會有朱古力碎同朱古力醬~ 食落去軟綿綿咁，底下仲會有一啲餅乾碎，口感豐富！🍪 而且仲會另外配上兩塊餅乾，擺啲棉花糖上去一齊食超正!! 不過整體來講呢個有少少過甜~
▪️盛夏白桃梳打 ($42)
依家七至八月正正就係日本白桃嘅當做季節，呢杯白桃梳打係用咗日本山梨縣嘅大糖嶺水蜜桃製作而成嘅，😚味道超級香甜!! 飲品上面仲會有鮮忌廉，超級香滑！
▪️士多啤梨鮮奶咖啡 ($48)
呢杯聽落去好特別咁，原來係用咗韓國士多啤梨奶製作而成既。☕️ 咖啡嘅味道好香濃，賣相亦都好靚，面頭會有一粒士多啤梨，🍓估唔到食落超香甜，因為一般飲品上面嘅水果都係偏酸嘅，感覺好驚喜!! 不過士多啤梨味就唔算突出啦~
𝑨𝑫𝑫𝑹𝑬𝑺𝑺:
📍東涌達東路20號東薈城名店倉3樓334號舖
Shop 334, 3/F, Citygate Outlets, 20 Tat Tung Road, Tung Chung
張貼
