莆田 (形點 I)

營業中

休息中

踏入11、12月就係水紫菜盛產嘅季節，「莆田」捉緊機會，推出頭水紫菜系列，頭水紫菜係指第一次長成嘅紫菜，頭次採割，叫頭水紫菜。「蝦苗拌頭水紫菜」（$52）係前菜，以涼拌方式烹調，酸酸哋非常開胃，搭配獨有嘅紅尾蝦苗，鮮味十足，可惜份量有啲少！「莆田荔枝肉」（$88）用咕嚕肉做法烹調，酸酸甜甜，不過由於落得太多紅蔥頭，蔥頭味蓋過肉味，略顯失色。「瑤柱燴絲瓜」（$78）頗為清淡，本來預計會食到鹹香味，但落差太大，瑤柱發到冇晒味，絲瓜同白灼冇分別，呢味餸值唔值得試就見仁見智。「大白菜燉軟豆腐」（$109）用料頗豐富，有軟豆腐、大白菜、菇、蟶子等，鮮味十足，非常暖胃！