嘉兵衛 (已搬遷) 新店位置

終於有機會過泥試，鋪仔細細，好多人食，我們一行四人8點入坐，點了穴子（鰻魚）定食（好食，定食跟個麵豉湯好好味，好家庭feel,內有白羅白紅羅白），日式滑旦豬扒飯（有港式/日式選擇，問左店員話日式較滑，港式較脆，我覺得4個定食入面呢個有點遜式，唔係好夠味），吉列豬扒飯（好脆，有汁可以自己加），豚肉定食（個汁好野味，送飯一流！），小食點左吉列蠔（本身3隻，我地4個人，加$18多一隻）好好食，入面好juice,同埋雞亦(個汁略嚴甜左小小）其實一人一個定食已經飽飽飽，絕對會再返轉頭，好日式住家feel，由於我第一次幫襯，比較多野問，店員亦都好耐心回答，略嚴冷氣唔夠涼，我地自備巴蕉扇😂