何蘭正 (已搬遷) 新店位置

朝聖港味濃酒吧✨ 呢間何蘭正個名都聽咗好耐今次終於去食，除咗有大量本地手工啤選擇之外，仲有好多半港式fusion菜：頭盤叫咗個白胡椒白味噌鮮枝竹煮紐西蘭鑽石蜆，好似中菜嘅胡椒湯咁，超重味超驅風🤣 鑽石蜆夠大隻嫩口，入到胡椒味又保留其鮮香✨主菜有香煎五頭深海大虎蝦配蝦王醬韭菜台灣QQ麵，不過當晚隻蝦就得六頭反之送返隻帶子補數，不過其實六頭都已經好大隻，大隻得嚟蝦味又夠重唔覺霉，而蝦王醬撈麵都非常香口，麵如其名質地QQ的😗另一主菜係個名長到好似急口令咁嘅XO醬燒無激素日本雞頸肉西京式廖孖記腐乳烤肥鴨肝配溫泉蛋三重縣越光米飯，簡稱雞肝飯🤣 雞頸肉真係好少見，食落其實似雞柳，至於鴨肝其實得一件仔唔覺有腐乳味不過好嫩好重油香，不過最好食其實係個飯，三重縣越光米粒粒分明兼夾彈性一流，撈埋溫泉蛋更加無敵，唯一係個汁有啲似叉燒汁咁，搞到有錯覺以為自己食緊叉燒飯🤣最後甜品西班牙油炸鬼榛子朱古力醬檸蜜意大利芝士醬，炸得夠鬆脆，冇乜肉桂味取而代之有榛子朱古力醬同檸蜜意大利芝士醬點，後者酸酸甜甜不得了🤤話說佢呢度啲cocktails都係取樣港式飲品的好似成人黑牛同咸檸氈呢啲都係平時茶記飲到嘅懷舊飲品，不過加上