影片
更多
2023-05-03
531 瀏覽
為咗慶祝轉新工，有新挑戰，同朋友嚟食自助餐開心一下🥳位於北角嘅呢間自助餐，環境裝修以農場穀倉為靈感，空間感大，座位之間都好闊落，仲可以望到維港海景🌃呢間仲係寵物友善餐廳，室外位置可以同毛孩一齊食自助餐🐶嘢食方面有好多選擇之外，味道都係中上游架😋而且餐廳堅持使用可持續同著重動物福祉嘅肉類同海產，喺可持續發展出一分力！職員們都好nice，好細心，會主動斟水同幫手收碟👍🏻♥️∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴❥ 冷盤🥗Ham嘅種類已經多到擺滿晒成隻碟，有Parma ham、salame等等，食法仲要有幾款，可以就咁食，仲可以配埋芝士，或者加啲蕃茄仔同多士，後者味道較為清爽啲😌令小編驚喜嘅係新鮮翠綠嘅凱撒沙律同醬撈完之後，會擺係一大個芝士上面，再根據個人喜好再自己夾配料👍🏻❥ 刺身海鮮🦀今次嘅刺身有5款：希靈魚、八爪魚、油甘魚、吞拿魚、三文魚，款款都好新鮮吞拿魚屬於赤身部位，魚味較濃粉紅嘅油甘魚同橙紅嘅三文魚肥美到肉質都閃令令✨海鮮方面除咗平時見到嘅蟹腳、蝦，仲有特別少少嘅麵包蟹、蜆、青口，整體味道鮮甜唔腥❕冰鎮加拿大鱈場蟹腳相對大隻，味道
位於北角嘅呢間自助餐，環境裝修以農場穀倉為靈感，空間感大，座位之間都好闊落，仲可以望到維港海景🌃呢間仲係寵物友善餐廳，室外位置可以同毛孩一齊食自助餐🐶
嘢食方面有好多選擇之外，味道都係中上游架😋而且餐廳堅持使用可持續同著重動物福祉嘅肉類同海產，喺可持續發展出一分力！職員們都好nice，好細心，會主動斟水同幫手收碟👍🏻♥️
∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴ ୨୧ ∴∵∴
❥ 冷盤🥗
Ham嘅種類已經多到擺滿晒成隻碟，有Parma ham、salame等等，食法仲要有幾款，可以就咁食，仲可以配埋芝士，或者加啲蕃茄仔同多士，後者味道較為清爽啲😌
令小編驚喜嘅係新鮮翠綠嘅凱撒沙律同醬撈完之後，會擺係一大個芝士上面，再根據個人喜好再自己夾配料👍🏻
❥ 刺身海鮮🦀
今次嘅刺身有5款：希靈魚、八爪魚、油甘魚、吞拿魚、三文魚，款款都好新鮮
吞拿魚屬於赤身部位，魚味較濃
粉紅嘅油甘魚同橙紅嘅三文魚肥美到肉質都閃令令✨
海鮮方面除咗平時見到嘅蟹腳、蝦，仲有特別少少嘅麵包蟹、蜆、青口，整體味道鮮甜唔腥❕
冰鎮加拿大鱈場蟹腳相對大隻，味道唔係死鹹
蝦肉彈牙，仲有膏
麵包蟹大大隻，啲膏仲要橙紅色，搞到小編流晒口水🤤
❥ 肉類熟食🥩
港式燒味、印度咖喱雞、中式飯麵、點心、燒烤都可以係呢區搵到
豉油雞入晒味，雞皮爽滑，肉質滑溜
咖喱雞惹味，印度薄餅脆口
點心除咗豬肉/牛肉燒賣，竟然仲有粢飯❕真係好少有😆
燒烤有燒豬頸肉，油香爽口；烤翠肉瓜，咬落爆汁；烤羊腸，味道麵都幾濃郁
仲有烤豬腩肉卷、烤安格斯黑牛西冷，西冷唔韌，好易切開，牛味濃🐮
❥ 甜品🍨
行到去甜品區，啲賣相高質到，睇到款款都想食！有雪糕嘅地方，小編一定唔會放過😎旋轉式gelato櫃一共有10幾種味道，當中嘅姜撞奶，味道好真實，食到姜嘅辣味，仲有姜絲架！咖啡、抹茶有回甘；熱情果芒果好開胃；雲呢拿香濃
Churros即叫即炸，仲熱架！口感脆口，配埋雪糕一齊食，冰火享受😋
蛋糕有好多款，例如紅絲絨蛋糕、tiramisu、士多啤梨泡芙等等，當中嘅聖安度蛋糕又酥又鬆軟，記得一定要加埋雲呢拿醬❕
❥ 飲品🍹
有個Sangria Bar，可以先揀紅/白酒作為base，之後職員就會係面前調配一杯俾你架啦。
想無限添飲紅、白酒/Sparkling Wine/啤酒，每人另外加$130+10%就得架啦🥂
唔想飲酒，仲有其他凍熱飲品揀嘅：
熱嘅有各款咖啡、各種西式/花茶茶包
凍嘅有港人至愛嘅檸檬茶，味道唔算好甜、又唔澀，小編覺得幾好飲；仲有幾款汽水，最近比較熱門嘅0卡汽水都有👍🏻
張貼
