影片
更多
2016-09-19
342 瀏覽
餐廳有兩邊dining area，而我哋就獲安排坐喺有海景嘅呢邊6:30上到嚟個天仲好光，望住靚景食飯係一大樂事我哋兩個人就叫咗兩個set dinner（$498 each），揀咗唔同嘅嘢嚟share，咁樣又可以試多啲美食，又可以唔洗煩諗叫乜一個頭盤係三隻澳洲Smoky Bay Oyster。第一層味道係濃郁嘅海水味，然後再有淡淡鮮甜味留喺口腔度。係好新鮮嘅生蠔另一個頭盤係海螺洋蔥沙律。海螺好有嚼勁，配上爽口微辣嘅洋蔥同清新嘅檸檬欖油汁，好開胃。之後係黑松露蘑菇湯。佢唔係一般嘅忌廉蘑菇湯，而係碗仔翅質地再加好多蘑菇蓉同黑松露，鐘意黑松露同蘑菇嘅人必試。另一個湯係海鮮冬陰忌廉湯。個湯又幼滑又有椰香又有少少辣，而入面有蟹粉同大大粒嘅蝦肉同帶子。鍾意食辣嘅人或者鍾意冬陰功嘅人會鍾意呢個湯。飲完湯之後有三款前菜：黑松露年糕 – 年糕好煙韌，配上白汁同淡淡嘅松露味，非常好味。咖哩蟹肉配熱脆麵包 – 食嘅時候可以將麵包再切細粒啲，再點上有好多蟹肉嘅香辣咖哩汁。蘑菇法國田螺 – 味道比較普通，田螺肉亦比較腍，但碟邊嘅紫薯蓉好香甜。到主菜喇！我哋揀咗香燒全條鮮魚配酸甜香草汁。呢一日嘅鮮魚係紅鮋，都相當
餐廳有兩邊dining area，而我哋就獲安排坐喺有海景嘅呢邊6:30上到嚟個天仲好光，望住靚景食飯係一大樂事
我哋兩個人就叫咗兩個set dinner（$498 each），揀咗唔同嘅嘢嚟share，咁樣又可以試多啲美食，又可以唔洗煩諗叫乜
一個頭盤係三隻澳洲Smoky Bay Oyster。第一層味道係濃郁嘅海水味，然後再有淡淡鮮甜味留喺口腔度。係好新鮮嘅生蠔
另一個頭盤係海螺洋蔥沙律。海螺好有嚼勁，配上爽口微辣嘅洋蔥同清新嘅檸檬欖油汁，好開胃。
之後係黑松露蘑菇湯。佢唔係一般嘅忌廉蘑菇湯，而係碗仔翅質地再加好多蘑菇蓉同黑松露，鐘意黑松露同蘑菇嘅人必試。
另一個湯係海鮮冬陰忌廉湯。個湯又幼滑又有椰香又有少少辣，而入面有蟹粉同大大粒嘅蝦肉同帶子。鍾意食辣嘅人或者鍾意冬陰功嘅人會鍾意呢個湯。飲完湯之後有三款前菜：
黑松露年糕 – 年糕好煙韌，配上白汁同淡淡嘅松露味，非常好味。
咖哩蟹肉配熱脆麵包 – 食嘅時候可以將麵包再切細粒啲，再點上有好多蟹肉嘅香辣咖哩汁。
蘑菇法國田螺 – 味道比較普通，田螺肉亦比較腍，但碟邊嘅紫薯蓉好香甜。到主菜喇！
我哋揀咗香燒全條鮮魚配酸甜香草汁。呢一日嘅鮮魚係紅鮋，都相當大條！魚肉鮮甜，火候控制亦啱啱好，肉質好嫩亦唔乾，配上香草汁味道更突出
另外係西班牙橡果級黑毛豬肉眼蓋。黑毛豬肉軟腍又唔肥，食落仲有少少麥香（唔知係邊度嚟嘅…），水準之作
最後到甜品喇，呢一日有marble cheesecake伴鮮果。雖然成個set飽肚到主菜都食唔哂，但總係有胃留俾甜品。呢個蛋糕好creamy好滑，亦唔會太甜
張貼
