星海薈﹒譽宴

營業中

休息中

適逢我既生日月,朋友係石門番工,叫左我過黎試下呢間中菜食生日飯唔熟悉呢區既我由石門站行過嚟大概7分鐘左右,沿住行直路就到,唔算難搵。原本以為呢度係一間普通嘅中菜,但可能因為佢係位於酒店入面,環境比一般酒樓靚,而且亦唔會好嘈,檯與檯中間都有d距離今晚係由朋友發板,揀咗個桃膠螺頭湯,味道好甜好好飲,足料。拔絲咕嚕蝦球,啲蝦好實好大隻,食幾隻其實已經飽 炸粉唔會係好實,酸酸甜甜好好味。跟住係蝦乾蒸勝瓜,我本身對勝瓜麻麻地,唔係好鍾意佢陣味,不過呢度d蝦既味蓋過左瓜個陣味,反而我就食到。仲叫咗碟瑤柱貴妃雞,啲肉都幾滑,兩個人食完非常之飽。想讚一讚佢壺茶,因為我好鍾意飲茶,茶壺加水嘅時候見到裏面茶包係非常之足料嘅鐵觀音,唔係得幾片茶葉,唔會令啲茶越沖越淡順帶一提,呢度嘅服務都幾好,唔會有粗聲粗氣嘅酒樓侍應情況出現,成餐生日飯係開心嘅。總括而言,今晚最鍾意係佢個湯同埋個拔絲蝦球,呢兩樣係最好味 如果想食中菜又想搵間靚靚地靜靜地,可以考慮呢度。