申、居酒屋 (已結業)

見到食評不錯，第一次嘗試呢間居酒屋。但比expectation 差太遠了。叫嘅嘢同平時差唔多。串燒真係好一般，上菜嘅時候有一兩串係熱嘅，有一兩串係凍嘅。牛舌一樣比較簡單煮得會好食嘅嘢，煮得比平時低質，肉質比較韌，牛小排都係，overcooked. 個炸帆立貝，啲肉質又唔新鮮，用成舊蛋黃醬放上去，好似出面放題嘅質素。想要蠔又得炸蠔無面豉蠔，想要車厘茄無車厘茄。友人問粟米有無得唔要炸既要串既，個阿姐話，問過好多次喇冇啊，心諗第一次問你，幾時有問過好多次，唔需要俾啲茶餐廳答案我。同場仲有個gathering 係超級嘈，有十幾個人係度大叫，係大叫，我地隔離幾台係咁望住啲醉酒嘅人，其實佢地真係可以安排間房比佢地。我同朋友食飯都好似要大叫咁。總結而言食物一般，服務一般，價錢中上，附近咁多好嘢食，唔會再去。