備長

營業中

休息中

餐廳佈置別緻，燈光柔和，待應耐心有禮，介紹食物應客人喜好，唔會hard sell貴價食品。除咗串燒，仲有其他特式和食。(1)番茄沙律，茄肉去皮薄切，配特製醬汁，口味清新；(2)串燒冬菇，釀咗餡料係底再燒，焦焦哋好香口；(3)荔枝豬肉卷，薄片豬肉包住清香嘅荔枝，配搭新穎，必食推介；(4)串燒帶子，醬汁味太濃，蓋過帶子鮮味；(5)炒什菌，好清香嘅鮮冬菇味，證明材料新鮮；(6)薯仔卷，薯條外面包煙肉，上面再鋪一片溶嘅芝士，好特別；(7)雪菜炒飯，睇落以為好清淡，估唔到幾好味，而且有陣陣麻油香味；(8)墨魚炒麵，好惹味，麵條有咬口，炒得夠乾身。餐廳仲送上三款甜品作試食，(9)日式芝士蛋糕，一般，芝士有d鬆散；(10)焦糖雞蛋布甸，creamy，布甸幼滑，焦糖燒到脆卜卜，好掂！(11)朱古力布甸，熱辣辣嘅朱汁，配埋雲呢拿雪糕非常美味，係最搶手嘅甜品。