神山麺屋 (創紀之城五期(apm))

營業中

休息中

呢間野啲阿姐服務態度認真麻麻，喺正你後面都可以叫六七聲唔應，仲要擺明聽到，只係背住你舉下隻手就完咗。叫佢倒杯水叫咗半個鐘唔理你，最後自己倒。開頭啱啱一落完單，想改嘢食，佢就話唔改得，已經同你落咗，咁冇嘢啦，都預咗改唔到。點知隔離枱幫人哋落錯單，而佢落錯嗰樣嘢正正係我想改嗰樣嘢，佢就放返去廚房，隔10分鐘出嚟問我：你頭先咪要改單嘅，依家幫你改，我即刻拒絕。之後再隔10分鐘問多次，我同佢講，咁其實原來你連我本身叫嗰樣嘢都冇落，我取消埋啦。啲嘢食難食，就唔關服務態度事，係真係難食。