影片
更多
2021-08-24
34 瀏覽
今日朋友生日所以就請佢食生日飯，於是就係尖沙咀訂咗一間燒肉店晚飯，一去到燒肉店都差不多已經滿座，好彩好快店員已經安排我哋入座。之後店員就向我哋介紹今日嘅時令款式，店舖而家仲未有一個優惠就係用$198嘅價錢可以飲飲清酒、啤酒、罐裝飲品等。好快我哋就完成點餐，食物送來嘅速度亦都非常之快，唔使等好耐就已經可以開餐，一開始我哋先食餐前小食，開前小食我哋點左甜蕃茄，燒鱈魚乾，蕃茄好新鮮好清甜再配埋一啲酸酸甜甜嘅醬汁，食完之後令到我覺得好開胃，燒鱈魚乾笑得好香脆，再配埋沙律醬汁非常之好味。食完餐前小食之後開始食今晚嘅主角，（牛肉盛盒），呢個牛肉盛盒包含咗好多牛嘅唔同部位，包括三角胸牛小排，牛背峰，牛肋條，牛舌，牛心等，而且因為我哋坐緊水吧位置，我哋仲有店員會幫我哋燒，所以燒出嚟嘅火候係最適當嘅，呢個牛肉盛盒所採用嘅牛，都好有牛味，而且肉質好新鮮好鮮嫩，有種入口即溶嘅感覺，再配埋餐廳提供嘅醬汁，可以將牛肉再提升一個層次，真係唔係普通燒肉店可以食得到。食完個牛肉盛盒之後，店員因為我哋燒甲羅燒和免治雞肉餅，好快點完已經遞上我哋嘅碟上面，甲羅燒配上梳打餅，味道非常之好味，好香濃嘅蟹膏味道，配上梳打餅嘅香脆
之後店員就向我哋介紹今日嘅時令款式，店舖而家仲未有一個優惠就係用$198嘅價錢可以飲飲清酒、啤酒、罐裝飲品等。
好快我哋就完成點餐，食物送來嘅速度亦都非常之快，唔使等好耐就已經可以開餐，一開始我哋先食餐前小食，開前小食我哋點左甜蕃茄，燒鱈魚乾，蕃茄好新鮮好清甜再配埋一啲酸酸甜甜嘅醬汁，食完之後令到我覺得好開胃，燒鱈魚乾笑得好香脆，再配埋沙律醬汁非常之好味。
食完餐前小食之後開始食今晚嘅主角，（牛肉盛盒），呢個牛肉盛盒包含咗好多牛嘅唔同部位，包括三角胸牛小排，牛背峰，牛肋條，牛舌，牛心等，而且因為我哋坐緊水吧位置，我哋仲有店員會幫我哋燒，所以燒出嚟嘅火候係最適當嘅，呢個牛肉盛盒所採用嘅牛，都好有牛味，而且肉質好新鮮好鮮嫩，有種入口即溶嘅感覺，再配埋餐廳提供嘅醬汁，可以將牛肉再提升一個層次，真係唔係普通燒肉店可以食得到。
食完個牛肉盛盒之後，店員因為我哋燒甲羅燒和免治雞肉餅，好快點完已經遞上我哋嘅碟上面，甲羅燒配上梳打餅，味道非常之好味，好香濃嘅蟹膏味道，配上梳打餅嘅香脆，口感一流，而免治雞肉餅外邊有少少燶嘅感覺，但裏面係好香滑嘅免治雞肉，食之前再配上有生雞蛋嘅醬汁，入口好香滑。
之後店員就為我地燒左雞頸肉既部份，第一次食雞頸肉，估唔到原來個肉質係咁爽口彈牙，而且再配埋店員所幫我哋燒嘅醬汁真係好惹味，估唔到平時唔會進食嘅雞頸原來都有另一番風味。
之後就點左我最愛嘅羊架，店員燒得個火候恰到好處，羊架肉質都好鮮嫩好香滑，好有羊味。
食完紅肉我哋準備開始食海鮮嘅部份，店員話我哋準備咗海虎蝦同埋燒鰻魚，虎蝦非常之大隻，而且肉質都好新鮮好彈牙，一啲雪藏味都冇，只係簡單用火燒已經能夠帶出蝦嘅鮮味，而鰻魚部份店員一半就用鰻魚汁去醬燒，另一半就咁用火燒之後再點上店員提供嘅酸汁，兩種食法都有唔同嘅風味，醬燒鰻魚好有燒鰻魚嘅原本嘅味道，但原來點酸汁嘅味道都非常之好味可以帶出鰻魚嘅鮮味。
最後我哋仲食埋甜品先走，朋友點左一個椰子雪芭，而我就點左一個焗蘋果批，椰子雪芭唔會太甜食完咁濃味嘅燒肉即係中和返個口腔，而我既焗蘋果批就好清楚，店員將蘋果批嘅外皮焗到好香脆，而裏面蘋果肉嘅部份亦都唔會好甜，再配上一小柚子雪芭，食完之後有種好舒服好滿足嘅感覺。
朋友都好滿意今次嘅生日飯，呢個咁高質嘅燒肉店下次真係可以再試，而且店員嘅服務都非常之好真係有種賓至如歸嘅感覺。
張貼
