影片
更多
2023-01-08
772 瀏覽
母親大人就生日一定要好好慶祝，今次就去天龍軒，又係米芝蓮餐廳食物一定有番咁上下，又有靚景，服務又一流，係好值得一篇好既食評。一早訂左位，餐廳早一日打電話黎confirmbooking，會問埋你有咩特別慶祝，就呢樣已經好貼心。當天reservation係13:30，我地13:15 已經到。由於時間未到，我地被安排到等候室暫待。等候室已經係一個無敵海景，有梳化，有櫈任坐。職員會叫名安排入座，起初我地被安排坐餐廳中間位置。我地今次叫點心，第一道上既係蝦多士。當我地仲食緊呢道嘢食既時候，侍應走埋黎同我講：「小姐，窗口位張檯取消左，你慢慢食埋個蝦多士先，食完我幫你地轉去窗口位吖」。我當然話好。人地貴為一間米芝蓮餐廳，慕名而來既食客多的是，其實無咩必要要做到咁周到，你唔出聲，佢其實無必要幫你轉檯。呢啲服務係令到你有一種賓至如歸既感覺 ，真係當你係貴賓咁招待。真係好抵讚。最後餐廳仲送上免費甜品同一包茶葉比母親大人，真係服務好到一個極致！天龍軒食既唔單止係食物，180度海景，亦都係優秀既服務。一定會再去。蝦多士 - 多士好脆，鬆化。鮑魚酥 - 食之前侍應會稍稍介紹內餡。皮都係鬆化既，推薦。燒腩仔蝦餃龍
一早訂左位，餐廳早一日打電話黎confirm
booking，會問埋你有咩特別慶祝，就呢樣已經好貼心。
當天reservation係13:30，我地13:15 已經到。由於時間未到，我地被安排到等候室暫待。等候室已經係一個無敵海景，有梳化，有櫈任坐。
職員會叫名安排入座，起初我地被安排坐餐廳中間位置。我地今次叫點心，第一道上既係蝦多士。當我地仲食緊呢道嘢食既時候，侍應走埋黎同我講：「小姐，窗口位張檯取消左，你慢慢食埋個蝦多士先，食完我幫你地轉去窗口位吖」。我當然話好。人地貴為一間米芝蓮餐廳，慕名而來既食客多的是，其實無咩必要要做到咁周到，你唔出聲，佢其實無必要幫你轉檯。呢啲服務係令到你有一種賓至如歸既感覺 ，真係當你係貴賓咁招待。真係好抵讚。
最後餐廳仲送上免費甜品同一包茶葉比母親大人，真係服務好到一個極致！
天龍軒食既唔單止係食物，180度海景，亦都係優秀既服務。一定會再去。
蝦多士 - 多士好脆，鬆化。
鮑魚酥 - 食之前侍應會稍稍介紹內餡。皮都係鬆化既，推薦。
燒腩仔
蝦餃
龍鳳燒賣
20 瀏覽
0 讚好
0 留言
39 瀏覽
0 讚好
0 留言
張貼
