花楽 (翩滙坊) (已結業)

花樂呢間餐廳，位置一啲都唔方便，但係食物都唔錯！星期六中午去嘅時候，只係有一個午市餐牌，感覺好似少咗煮餐牌嘅小食咁，因為唔係每個顧客都淨係想食套餐，有時都想加啲小食，所以呢度有進步嘅空間！而午市套餐，係包一個前菜，一個湯，同埋沙律，而前菜同沙律都係用櫻花玻璃兜載着，感覺都幾靚，二個沙律上面仲有隻半生熟蛋，幾特別！我覺得幾好味，不過唔鍾意食生蛋嘅人，就未必個個接受到。魚生飯上菜嘅速度比較快，個樣幾靚，味道亦唔錯！而熟悉嘅上菜速度比較慢，魚生飯食到一半，熟食先上菜。熟悉係包括芝士牛肉飯，同埋芝士牛肉烏冬，芝士好多，係奶油feel嘅，但係食完一啲都唔漏，但係成碗野感覺比較單一，可能多啲雜菇，或者蔥花，望落去應該會更靚，不過感覺上整體都唔錯👍🏻