滿屋日本料理 (已結業)

食過既咁多間放題入面，如果要揀推介既，滿屋一定榜上有名，因為呢間放題唔止d野好食，服務仲好好。先講一講，因為我最鍾意約晒一大班朋友一齊食飯，開心d麻，所以通常每次食放題都有十一二個人度。但係出面好多放題為左慳位，通常都會俾d十人位我地，但係重點係我地係十三個人，有兩三個仲要係大隻佬，點樣可以十三個人坐一張十人枱，咪玩啦。首先我要讚滿屋既就係座位安排。咁訂位個陣我有同佢地負責訂位既同事講因為我地有兩三個朋友比較大隻，可唔可以幫我地安排一張大少少既枱。咁佢話盡量幫我安排啦，不過通常聽到呢句都知應該冇行架啦。但係到食個日佢竟然真係安排一張十四人一行過既枱俾我地，而且仲要係左右仲有空位淨。呢d聆聽客人要求，唔會聽完就算既，一個字，正。呢間放題既食物都好值得我推介。刺身方面，出面好多放題都話主打刺身，但係就一d都唔新鮮，叫d客點有信心食其他野牙。不過呢度既刺身好新鮮，而且每件都切得好厚，唔似出面有d薄到成張紙咁，食落好有口感。小食方面好多款，而且唔係好似出面個d咁行，有好多特別野，最鍾意佢個個蕃茄柚子沙律，酸酸地好開胃。熟食都好得，特別推介既係炸既芝麻雞翼同埋個牛柳粒，好好食。而呢度d員工既服務