百樂小館 (已結業)

朋友話好耐無一齊食下飯傾下計，諗去邊度食既時候最好搵中間點個個放工都近啲，同埋又要坐得舒服唔好太迫，所以搵商場裡面餐廳最好不過啦！朋友仔又想食潮州野就介紹之前食過既“百樂小館”，這裡格局好舒服用木色做設計比人有家既感覺。 “滷水鵝肉拼盤” 滷水味好香夠入味有墨魚、腩肉、滷蛋、滷豆腐同鵝件。“杏汁白肺湯” 這款湯好厚質感濃濃杏仁味散發出來豬肺新鮮好正。“糖醋伊麵” 這個麵底好香脆加埋醋同砂糖一齊食好夾呀！“清湯蘿蔔牛腩” 蘿蔔清甜牛腩腍身湯加左少少胡椒送飯一流。“欖菜炒四季豆” 炒得好乾身欖菜咸咸地好香口。“薑汁福果湯丸” 作最後既總結，喝一口暖暖薑水配湯丸好完滿呀！