The Market

人隨着年齡增長同朋友見面嘅時間就越嚟越少，而家通常同朋友見面都係食生日飯，今日閨蜜生日又去咗The Market 食buffet，因為閨蜜好鍾意食榴槤，雖然我同另外一位朋友都唔食，但係生日大晒，壽星女鍾意食我哋咪照去，入到門口已經聞到好濃烈嘅榴槤味，我係全程冇掂過嘅，我依然係主攻海鮮，今次有少少特別我飲咗兩碗燉湯同海南雞飯，帶子同甜蝦刺身好新鮮好正，另外煙三文魚都係好值得推介，差唔多走嘅時候，餐廳送上壽星女嘅蛋糕，許願之後，朋友我生日再見喇。