影片
更多
2021-04-12
22 瀏覽
有heart有水準 值得一日爆滿嘅高質印度菜～～～好閨蜜喺上環工作 而我又難得今日放假 所以中午放晏晝返嘅時候 就過嚟搵佢食午餐 黎到依間我哋預訂好位嘅餐廳之後 餐廳嘅職員非常有禮貌地同我哋介紹食物🍴～～～佢哋同我講之前呢度係有做自助餐 不過疫情之後 因為衛生問題 就改咗做set 佢哋嘅午市套餐價錢都幾抵食 如果唔想食套餐都可以單叫 睇完餐牌之後我哋叫咗 小食拼盤 香燒馬友魚 椰汁魚 蒜蓉烤餅 印式鹹煎餅 雞肉餃子同椰青 mojito🍸～～～小食拼盤裏面有炸雜菜餅、胡椒餅同埋薯仔咖喱角：三款小食都各有千秋 全部都好香脆 個人有幾鍾意又名samosa嘅薯仔咖喱角 呢款印度隨處可見嘅平民小吃 食落口感非常有層次 讓人吮指回味無窮 🥔而雞肉餃子外皮紮實有Q勁 一樣令人食唔停口～～～香燒馬友魚：呢款燒魚就非常嫩口 size亦算不錯 食落魚味出 外皮脆 一啖魚 一啖清甜新鮮椰青 或者好refresh嘅mojito 再加埋佢哋個窗外嘅景 中午時間可以係上環呢啲商業區享受到呢一種旅行感覺嘅relax真係好少有 🐟～～～係呢個充滿異國印度風情嘅地方 食返個烤薄餅同埋咖喱就當然唔少得 椰汁魚嘅味道 冇辣
～～～
好閨蜜喺上環工作 而我又難得今日放假 所以中午放晏晝返嘅時候 就過嚟搵佢食午餐 黎到依間我哋預訂好位嘅餐廳之後 餐廳嘅職員非常有禮貌地同我哋介紹食物🍴
～～～
佢哋同我講之前呢度係有做自助餐 不過疫情之後 因為衛生問題 就改咗做set 佢哋嘅午市套餐價錢都幾抵食 如果唔想食套餐都可以單叫 睇完餐牌之後我哋叫咗 小食拼盤 香燒馬友魚 椰汁魚 蒜蓉烤餅 印式鹹煎餅 雞肉餃子同椰青 mojito🍸
～～～
小食拼盤裏面有炸雜菜餅、胡椒餅同埋薯仔咖喱角：三款小食都各有千秋 全部都好香脆 個人有幾鍾意又名samosa嘅薯仔咖喱角 呢款印度隨處可見嘅平民小吃 食落口感非常有層次 讓人吮指回味無窮 🥔而雞肉餃子外皮紮實有Q勁 一樣令人食唔停口
～～～
香燒馬友魚：呢款燒魚就非常嫩口 size亦算不錯 食落魚味出 外皮脆 一啖魚 一啖清甜新鮮椰青 或者好refresh嘅mojito 再加埋佢哋個窗外嘅景 中午時間可以係上環呢啲商業區享受到呢一種旅行感覺嘅relax真係好少有 🐟
～～～
係呢個充滿異國印度風情嘅地方 食返個烤薄餅同埋咖喱就當然唔少得 椰汁魚嘅味道 冇辣味比較甜 魚塊係炸完再煮 成個味道都唔錯🥘
～～～
而佢哋嘅蒜蓉烤薄餅同印式鹹煎餅 就更係精粹所在 前者蒜蓉味香濃 鬆軟得黎唔油膩 後者就好新奇有趣 成塊面咁大 食落去酥油香滿滿 少少鹹鹹地 非常特別 最後食唔晒打包左兩塊俾媽咪食 佢食完都話好正🫓
～～～
推薦度：🔥🔥🔥🔥🔥🔥🔥🔥🔥🔥
印度皇 (上環)
上環干諾道中137-139號三台商業大廈1樓
張貼
