影片
更多
2017-09-11
92 瀏覽
最近實在食左好多餐生日, 今次相約同樣喜愛吃日本菜既朋友一齊去呢間銅鑼灣既日本餐廳雖然附近好多食店可以選擇,呢間係地面所以相對方便, 外面既裝潢同內裏都係充滿時格調, 燈光昏暗令氣氛更加濃厚,座位唔算多,所以差唔多全部都full booking! 開放式廚房令客人可以睇到食物既製作過程呢!食物選擇種類好多, 既有沙律等健康之選,居屋必備既串燒選擇亦齊全,斧飯等日式飯類同刺身都有,更火鍋選擇呢。 咁有氣氛當然要叫返杯酒, 因為朋友飲得, 所以叫左Suntory the Premium Malt's, 更是Jumbo size呢!!!飲完還面不改容,真西利!! 唔飲酒既我揀左柚子綠茶, 以茶壺呈上,份量好多, 倒左好多杯,味道偏淡。首先黎左最健康既沙律,第一次見以木箱加大堆冰既presentation,野菜包括左青瓜、胡蘿蔔、西芹、粟米、蕃茄串等,簡簡單單但好豐富, 而且用冰裝住更添冰涷清涼口感, 最開心係有我最愛既蕃薯~~~日本蕃薯夠粉! 燒味醂雞泡魚乾小小一碟但都好多條,粗幼適中,質感好似豬肉乾,調味幾濃, 點埋沙律醬更滋味! 推介呢個小吃呢! 海鮮寶箱壽司究竟寶箱係指咩呢?一上枱
雖然附近好多食店可以選擇,呢間係地面所以相對方便, 外面既裝潢同內裏都係充滿時格調, 燈光昏暗令氣氛更加濃厚,座位唔算多,所以差唔多全部都full booking! 開放式廚房令客人可以睇到食物既製作過程呢!
食物選擇種類好多, 既有沙律等健康之選,居屋必備既串燒選擇亦齊全,斧飯等日式飯類同刺身都有,更火鍋選擇呢。
咁有氣氛當然要叫返杯酒, 因為朋友飲得, 所以叫左Suntory the Premium Malt's, 更是Jumbo size呢!!!飲完還面不改容,真西利!! 唔飲酒既我揀左柚子綠茶, 以茶壺呈上,份量好多, 倒左好多杯,味道偏淡。
首先黎左最健康既沙律,第一次見以木箱加大堆冰既presentation,野菜包括左青瓜、胡蘿蔔、西芹、粟米、蕃茄串等,簡簡單單但好豐富, 而且用冰裝住更添冰涷清涼口感, 最開心係有我最愛既蕃薯~~~日本蕃薯夠粉!
燒味醂雞泡魚乾
小小一碟但都好多條,粗幼適中,質感好似豬肉乾,調味幾濃, 點埋沙律醬更滋味! 推介呢個小吃呢!
海鮮寶箱壽司
究竟寶箱係指咩呢?
一上枱被佢個外觀吸引左,果然個外表精緻既寶箱,因為刺身款式好多,有齊帶子、三文魚、吞拿魚、牡丹蝦、海膽、玉子、香蔥吞拿魚腩蓉等,基本 想試既刺身都有齊哂! 雖然刺身成日都食, 但咁有心思既擺設就少見,所以食之前都為佢拍左唔少寫真,哈哈!
刺身全部都好新鮮,同朋友一齊分享,三文魚同吞拿魚都香甜味美, 爽滑鮮味, 朋友試既海膽同吞拿魚腩蓉都唔錯,牡丹蝦最巨型奪目,驟看表面充滿光澤~~ 帶子較薄身但柔軟滑溜,寶盒既底部有青瓜蟹柳卷,不過味道較淡, 我諗夾埋上面既刺身一次過食會更佳!!
雞肉串燒盛合
身為愛雞之人,對雞串燒咁多選擇表示有選擇困難症,揀呢個雞肉串燒盛合就岩哂,包括秋葵串,雞腿串,長蔥雞肉串,雞胸串同埋自家製免治雞肉棒。
朋友同我本身對於附送既生蛋黃都無咩興趣,點知朋友食免治雞肉棒時蘸點左黎試之後, 即刻點上癮XDD
因為無蛋黃味反而減低左漏滯感, 大讚呢個設計。秋葵係平時中意食,但串燒第一次食,原來會內裏既滑液會消失左,反而整體幾脆口,相信本身唔愛吃秋葵既朋友都會接受到。
另外既雞腿串同埋雞肉串都香焦惹味,不乏肉汁,反而雞胸就最淡口同嚡左d。
秘傳雞肉火鍋 追加烏冬
好少可係日本餐廳叫火鍋食, 本身擔心會份量太大,但原來都OK,配料主要有娃娃菜、香姑同雞肉,一黎到果陣都係生既,但一燒都好快滾起,雖然配料普通但出乎意料地清甜!!!無論湯底同蔬菜都充滿鮮味! 豆腐亦夠香滑,
雞肉醃料好少所以偏淡,清清地,追加左個烏冬,雖然聽落加左會好飽,但建議大家要試下佢!!
滑溜溜既質感,最正係佢好彈牙,好有咬口~~~~好快食完一碗又想添多碗!!估唔到烏冬竟然咁驚喜。
鮭魚親子(北海道產)釜飯
最近都食過釡飯,今次又再encore!! 唔洗一百蚊價錢比較親民,不過份量當然會細啲,岩我地食左咁多野都仲可以食到。
一打開就聞到飯同魚香, 呢到正正係釡飯最吸引既地方~雖然店員好主動話幫我地裝飯,但我中意自己黎,因為我要獨佔哂啲飯焦XDDD 呢到米飯採用日本出產既稻米,相對短身同埋綿密,軟糯清香,加埋煮熟左既三文魚,將三文魚獨有既魚肉鮮香混入去,仲有蘿蔔同菇作配料不過飯焦就無預期中既脆口,雖然可以成塊剷起,但脆度就差咁啲....
燒日本甜薯配抹茶雪糕
日本薯本身已經夠吸引, 用埋黎做甜品仲正, 蕃薯的確超甜,將甜薯打成薯蓉,香綿細滑, 一啖温熱既薯蓉配涷冷既抹茶雪糕,温度上冷熱交錯,配埋中間既脆絲, 口感大滿足,抺茶雪糕較甜。
同朋友傾左好耐計,環境舒適加埋食物多款式,又多左個鬧區gathering既地方~
張貼
