影片
更多
2020-03-21
295 瀏覽
逸東軒拎過幾年米芝蓮一星，今日特登黎試吓。海鮮芋角尺寸比一般芋角細少少，咬落去外皮香脆鬆化，芋泥好香芋頭味，海鮮唔會太鹹，唔會搶咗芋頭嘅清香，亦都炸得唔油膩，好食。合桃叉燒酥又係另一佳作，酥皮又香又鬆化，叉燒餡味道比較濃，配埋酥皮食啱啱好。叉燒酥上面嘅琥珀合桃亦都甜而不膩。唯一係上碟嘅時候有一粒合桃已經跌咗落嚟，非常扣分。脆皮素鵝聽講係抵食之作，但唔覺得好特別。鮮蝦腐皮卷嘅蝦肉幾多，蝦味幾濃，但係比較薄，口感差少少。麵醬蒸排骨味道太鹹，排骨份量少，冇肉味，肉質亦都唔彈牙，係全枱唯一食剩嘅嘢。黃耳珍菌素腸粉，上菜時見到腸粉個皮俾一般腸粉晶瑩剔透，食落第一啖係蒜頭味，再咬多啖係芫茜味，如果唔食呢兩種配料嘅人可能就唔適合嗌啦。
逸東軒拎過幾年米芝蓮一星，今日特登黎試吓。
海鮮芋角尺寸比一般芋角細少少，咬落去外皮香脆鬆化，芋泥好香芋頭味，海鮮唔會太鹹，唔會搶咗芋頭嘅清香，亦都炸得唔油膩，好食。
合桃叉燒酥又係另一佳作，酥皮又香又鬆化，叉燒餡味道比較濃，配埋酥皮食啱啱好。叉燒酥上面嘅琥珀合桃亦都甜而不膩。唯一係上碟嘅時候有一粒合桃已經跌咗落嚟，非常扣分。
脆皮素鵝聽講係抵食之作，但唔覺得好特別。
鮮蝦腐皮卷嘅蝦肉幾多，蝦味幾濃，但係比較薄，口感差少少。
麵醬蒸排骨味道太鹹，排骨份量少，冇肉味，肉質亦都唔彈牙，係全枱唯一食剩嘅嘢。
黃耳珍菌素腸粉，上菜時見到腸粉個皮俾一般腸粉晶瑩剔透，食落第一啖係蒜頭味，再咬多啖係芫茜味，如果唔食呢兩種配料嘅人可能就唔適合嗌啦。
張貼
