隨心 (已搬遷) 新店位置

無飯家庭今日又黎屋企附近搵小店食🙈，又上網搵左間星馬菜，平平地最緊要有喇沙食😋，今晚唔係好肚餓，叫著3個野食都勉強夠食既🙈🍜魚蛋魚片喇沙（$65）- 喇沙又香又滑，最緊要夠晒椰汁味之餘又唔會太辣，魚蛋魚片都好彈牙👌🏻🍜娘野咖喱牛腩飯（$90）- 呢個係大人指定要叫，因為側邊兩枱都咁岩食緊🙈 牛腩有5-6件 大大件，娘野咖哩味道好特別，好少食到呢種咖哩，言語唔識形容嘅味道，但真係幾好食！🍜小食拼盤（2人）（$65）- 小食包括：黃金豆腐，囉喏沙律，雞絲海哲，話梅番石榴。小食我最岩，人少少都食到幾款種類，每樣少少咁幾好味。