錦丼 (iSQUARE國際廣場) (已結業)

睇完三個幾鐘的蝙蝠俠,時值三點幾,肚餓到飛起,見到呢間d魚生飯memu擺咗出嚟,好似好吸引,當堂口水都流晒出嚟,仲有下午茶時段有六折,便即刻走咗入去.函館雙色丼 -- 有三文魚和海膽,海膽很鮮味,份量亦算多,三文魚亦很甜美,雖然切得比較薄,但都有六片,而每片都算大塊.築地四式丼 -- 三文魚夠新鮮,帶子亦有鮮味,魷魚不會太靱,甜蝦亦同樣有鮮味.飯不會太硬,亦很大碗.另外還有蒸蛋和麵豉湯,蒸蛋很滑很香,麵豉湯味道亦不錯.