Steak Bar (已結業)

之前已在steak bar銅鑼灣分店試過有水準的吉列炸牛扒，身為牛魔王的我食過返尋味，今次就來到位於蘭桂坊嘅中環分店再試真D😋😋先講講環境，一入門口已經係張bar枱，播住好chill 既音樂，加上落地玻璃可以望出街外，十分蘭桂坊格局，即刻叫返枝cider扮下野先。頂級板腱牛扒$215板腱即牛肩胛，屬於肉味較濃的部位，而呢度嘅板腱十分厚切，如此厚度十分考驗廚師功夫，很容易表層過熟/內部過生，店員建議五成熟，似乎佢地對廚師嘅功力好有信心，輕輕一切，已知道沒有失望，粉嫩十足而慘出些微肉汁，礙於部位問題肉質偏瘦但容易咬開，肉味甚濃，隨碟附上燒汁和岩鹽兩種調味，燒汁微甜意外地滋味，岩鹽將肉味進一步帶出，平時我係鐘意咩都唔蘸，今次兩種調味都好令我滿意。蜜糖蒜香雞翼$58蜜糖跟蒜香本身已經是好拍檔，配上雞翼更是無可挑剔，十分滋味我一道小食。