第三站

首先人多人小都好，呢間25樓既cafe環境舒服好好坐，仲要有個大電視，值得黎食個飯飲杯野!❤煙三文魚沙律 係用上日式芝麻醬，雖然煙三文魚份量唔算多，但配上新鮮爽口既沙律菜，絕對開胃之選 🤓意式芝士肉醬闊條麵😋肉醬口感甘香仲帶D油潤，有咬口得黎又唔會好干好鞋口。而且番茄味濃郁甜甜酸酸!! 而佢地既闊條麵本身都好掛汁好吸汁，所以食起上黎口感好豐富~卡邦尼煙肉雜菌意粉😋勁creamy!!!! 仲帶點咸香，意粉亦唔會因為咁樣入口一pat野，味道唔算好濃，但個口感真係整得好好，好味呀!蜜糖雞翼 雖然雞翼唔算好大隻，但係香甜蜜糖配上脆口既雞翼仲有小小燶邊，好味!松露薯條❤呢個真係必點，佢唔係松露醬，條條薯條都有松露粒仲有紫菜粉，真係好香~重點係，係新鮮即炸粗薯條，好邪惡但真係好香好好食熱情果紅茶 酸酸甜甜仲有小小雜果係底，好味~ 🤓佢地所有野食都係熱lak lak咁出餐，但又唔會等好耐，大推!🔥