影片
更多
2022-05-04
132 瀏覽
稚元朗真係美食天堂黎架🥰今日無所事事又貢咗黎元朗度搵好嘢食，日頭掃完一輪街，夜晚想靜靜地搵間日本小舖食，就俾我搵到呢間《稚》喇！喺光燦燦嘅蛇舖隔離，佢係一個好低調嘅存在，所以雖然望住地圖搵，但都幾乎唔小心走過龍🤪我哋兩個人嗌咗兩個定食，再加多兩串串燒，明明都覺得唔係話好多嘢，但食完企起身走嗰刻，飽到反肚🤣我哋嗌咗汁煮豬軟骨同埋香煎和牛漢堡扒跟照燒汁☺️加$30就可以再將呢兩個主食升級做定食，會有埋前菜、漬物、煎茶、味噌湯同埋珍珠米飯，我地見佢餐牌有貓飯揀，就再加咗$10轉1個做貓飯。貓飯雖然係簡單嘅日式食法，但真係家家風味唔同、而且香港都好似唔係好多地方有得食。《稚》嘅貓飯，面頭有海量嘅鰹魚片、紫菜同芝麻，上枱嘅時候已經聞到好香嘅鰹魚味，貓飯要撈勻晒黎食，配料好多，完全足夠你啖啖都有配料一齊！😍不過我自己就鍾意加多少少日式醬油落去撈，會再滑啲同埋濃香啲😝 俾貓飯搶完風頭，主食其實一啲都唔失禮！汁煮豬軟骨好入味，而且好冧，一啖豬軟骨一啖飯，係味覺嘅雙重享受😎而且豬軟骨仲好大份，個飯食到尾都仲有啲喺度😆不過就咁食都好香，仲更加食到汁底嘅香甜味。至於和牛漢堡，就果然不愧為和牛漢堡🤣外面煎到香脆
元朗真係美食天堂黎架🥰今日無所事事又貢咗黎元朗度搵好嘢食，日頭掃完一輪街，夜晚想靜靜地搵間日本小舖食，就俾我搵到呢間《稚》喇！喺光燦燦嘅蛇舖隔離，佢係一個好低調嘅存在，所以雖然望住地圖搵，但都幾乎唔小心走過龍🤪
我哋兩個人嗌咗兩個定食，再加多兩串串燒，明明都覺得唔係話好多嘢，但食完企起身走嗰刻，飽到反肚🤣
我哋嗌咗汁煮豬軟骨同埋香煎和牛漢堡扒跟照燒汁☺️加$30就可以再將呢兩個主食升級做定食，會有埋前菜、漬物、煎茶、味噌湯同埋珍珠米飯，我地見佢餐牌有貓飯揀，就再加咗$10轉1個做貓飯。貓飯雖然係簡單嘅日式食法，但真係家家風味唔同、而且香港都好似唔係好多地方有得食。
《稚》嘅貓飯，面頭有海量嘅鰹魚片、紫菜同芝麻，上枱嘅時候已經聞到好香嘅鰹魚味，貓飯要撈勻晒黎食，配料好多，完全足夠你啖啖都有配料一齊！😍不過我自己就鍾意加多少少日式醬油落去撈，會再滑啲同埋濃香啲😝 俾貓飯搶完風頭，主食其實一啲都唔失禮！汁煮豬軟骨好入味，而且好冧，一啖豬軟骨一啖飯，係味覺嘅雙重享受😎而且豬軟骨仲好大份，個飯食到尾都仲有啲喺度😆不過就咁食都好香，仲更加食到汁底嘅香甜味。
至於和牛漢堡，就果然不愧為和牛漢堡🤣外面煎到香脆，入面就仲會咬到啖啖肉汁，而因為係和牛嘅關係，所以牛味都比平時嘅漢堡扒更突出，亦都比較冧。再點一點個照燒汁，放入口，外脆、內軟、肉沖、照燒汁，一齊喺口入面交集☺️一路寫都想再食多次！
定食出色，燒物都唔錯！我哋叫咗車厘茄腩肉片同熊本和牛串😍腩片串，千祈唔好扮斯文分開兩啖食，如果唔係嘅話，車厘茄爆汁搞到你周身都係唔好怪我🤣呢個組合本身都係絕配，車厘茄嘅小甜酸中和晒腩肉片嘅膩！熊本和牛串亦都好有牛味，肉質軟滑又唔會燒到乾，好值得一試！下次去又試下第啲嘢食🤤期待中☺️
張貼
