米走雞 (昭德大廈) (已結業)

今日同朋友嚟到長沙灣嘅米走雞打邊爐，雖然天氣仲係好熱，但無阻我地對打邊爐嘅熱情。米走雞之前好似受到大家嘅吹捧，但近排雞煲熱潮減退唔知仲係咪咁好食。餐廳環境寬敞，坐得幾舒服。餐廳最出名嘅係黃金芝士雞煲同麻辣雞煲。朋友唔係好食得辣所以我地就揀咗芝士雞煲。墊枱紙上有列明雞煲食法，而且仲有推介芝士雞煲嘅配料配搭，不過我地就冇跟足佢叫。極度邪惡嘅芝士雞煲佢有得比你揀芝士嘅份量，我地就揀咗正常份量。由於芝士比較容易燶底，所以要儘量不停攪拌。芝士份量多，每件雞都沾滿芝士，而且雞件大到有啲驚人😂兩個人其實唔係好食得哂。雞件食到七七八八我地就請店員落湯。湯底有清湯同芝士湯揀，不過店員就建議我哋要清湯，因為芝士湯會太heavy. 其實本身覺得芝士湯底有啲奇怪，驚同d配料唔夾，但最後發現原來都唔會唔好食。特級雪花肥牛(小)雖然話係小份但其實份量都好多。個肥牛脂肪分布均勻，脂肪唔會太多，牛肉味香濃，煮出嚟又唔會太硬，好食手打五寶拼盤有牛肉丸、鯪魚球、墨魚丸、蝦丸同豬肉丸。手打丸口感彈牙，其中牛肉丸入面有黑椒粒所以有少少辣，不過幾好食。墨魚丸同蝦丸入面都有d大粒d嘅肉粒。雜菇拼盤同娃娃菜都幾新鮮